Fréttir og tilkynningar

1. júní 2016

Meistaranemar í lögfræði við Háskólann á Bifröst slá í gegn á Miami

Háskólinn á Bifröst hefur tekið þátt í verkefninu LawWithoutWalls frá árinu 2013. Verkefnið, sem er alþjóðlegt, tengir saman starfandi lögmenn sem og aðra fagmenn, laganema og áhættufjárfesta víða um heim. Tilgangurinn með verkefninu er að nemendur noti þekkingu sína á lögfræði, í bland við reynslu af öðrum sviðum, til að skapa lausnir sem auka réttaröryggi almennings eða auðvelda lögfræðingum að leysa úr verkefnum.

Lesa meira

31. maí 2016

Misserisvarnir nemenda veita innsýn í viðfangsefni og vandamál atvinnulífsins

Misserisvarnir fóru fram við Háskólann á Bifröst dagana 19-20 maí en þá verja nemendur misserisverkefni sín sem þeir hafa unnið að í hópum. Tilgangur misserisverkefna er margþættur en þau veita nemendum t.a.m. tækifæri til að dýpka skilning sinn á afmörkuðu sviði og öðlast þannig meiri sérfræðiþekkingu en ella. Þá eru verkefnin oft unnin í nánum tengslum við fyrirtæki og stofnanir og veita þannig innsýn í viðfangsefni og vandamál atvinnulífsins.

Lesa meira

26. maí 2016

Þekking í viðskipta- og lögfræði mikilvæg í nútíma starfsumhverfi

Þórdís Sif Sigurðardóttir, sviðsstjóri stjórnsýslu- og fjármálasviðs og bæjarritari Ísafjarðarbæjar, segir BA nám í viðskiptalögfræði á Bifröst hafa fleytt sér áfram þangað sem hún er í dag og komi kunnátta í fjármálum þar t.a.m. að afar góðum notum þegar komi til þess að gera fjárhagsáætlun fyrir sviðið. Slíkt sé ómetanlegt í bland við góða undirstöðukunnáttu í lögfræði.

Lesa meira

24. maí 2016

Lagadagur Nomos á Bifröst laugardaginn 28. maí

Lagadagur Nomos, félags laganema við Háskólann á Bifröst, verður haldinn laugardaginn 28. maí næstkomandi. Á deginum verður t.a.m.kynnt nýtt meistaranám í viðskiptalögfræði við Háskólann á Bifröst, sem nú er í mótun, og auk þess áhugaverð erindi og málstofa á dagskrá. Skráning er ókeypis og er dagurinn öllum opinn.

Lesa meira

23. maí 2016

BA gráða í HHS, heimspeki, hagfræði og stjórnmálafræði, frábær undirbúningur fyrir nútíma stjórnmál

Sigríður Bylgja Sigurjónsdóttir hefur verið ráðin framkvæmdastjóri Pírata. Sigríður Bylgja er með BA gráðu í HHS (heimspeki, hagfræði og stjórnmálafræði) frá Háskólanum á Bifröst og MSc í Mannvistfræði frá Háskólanum í Lundi, Svíþjóð.

Lesa meira

12. maí 2016

Verkefnastjóri kennslu óskast

Spennandi starf í einstöku umhverfi og heillandi samfélagi. Háskólinn á Bifröst óskar eftir verkefnastjóra kennslu. Viðkomandi mun gegna lykilhlutverki við að efla og styrkja kennslu í skólanum og starfa í nánu samstarfi við sviðsstjóra fagsviða og kennara skólans.

Lesa meira

11. maí 2016

Nýráðinn lektor í hagfræði

Francesco Macheda tók í byrjun maí við stöðu lektors í hagfræði við Háskólann á Bifröst. Starfið felur í sér skyldur á sviði kennslu og rannsókna, einkum á sviði alþjóðahagfræði, þróunarhagfræði og stjórnmálahagfræði með sérstakri áherslu á fjármálastofnanir og vinnumarkaðsmál.

Lesa meira

10. maí 2016

Útskrift úr Mætti kvenna

Nú í lok apríl útskrifuðust níu konur úr Mætti kvenna en þetta er í 25. sinn sem Háskólinn á Bifröst útskrifar konur úr náminu. Útskrifaðist fyrsti hópurinn vorið 2004 en um er að ræða ellefu vikna rekstrarnám, sem sérstaklega er ætlað konum sem vilja bæta við þekkingu sína í rekstri fyrirtækja, ásamt því að efla og styrkja tengslanet sín.

Lesa meira