Francesco Macheda tók í byrjun maí við stöðu lektors í hagfræði við Háskólann á Bifröst. Starfið felur í sér skyldur á sviði kennslu og rannsókna, einkum á sviði alþjóðahagfræði, þróunarhagfræði og stjórnmálahagfræði með sérstakri áherslu á fjármálastofnanir og vinnumarkaðsmál.

 

Francesco lauk doktorsgráðu í stjórnmálahagfræði frá Marche Polytechnic University, á Ítalíu árið 2014. Hann fluttist sama ár til Íslands og tók þá við stöðu aðjúnkts á félagsvísindasviði Háskólans á Bifröst.