Nýtt MA-nám í samskiptastjórnun hefst haustið 2025 og veitir einstakt tækifæri til að hasla sér völl á einu áhugaverðasta sviði samtímans – stjórnun samskipta fyrirtækja, stofnana og annarra skipulagsheilda. Námið býður upp á dýpri innsýn í þetta sívaxandi fag og þjálfar nemendur í að verða leiðandi á sviði samskiptastjórnunar.
- MA gráða er 90 eininga nám á meistarastigi: Námskeið (60 ECTS) og raunhæft ráðgjafaverkefni (30 ECTS).
Meistaranám í samskiptastjórnun veitir færni til að þróa og stýra árangursríkum samskiptum í viðskiptum, fjölmiðlum, almannatengslum og hverskonar stjórnun. Námið tengir saman þessa lykilþætti og leggur áherslu á greiningu upplýsinga, þróun markvissra samskiptaaðferða og stjórn samskipta í flóknu rekstrarumhverfi nútímans.
Kjarni samskiptastjórnunar felst í því að hlúa að samböndum við hagaðila og mæta væntingum þeirra. Í náminu er lögð áhersla á að móta skýra og stefnumótandi samskiptaáætlanir sem styðja við ímynd og árangur skipulagsheilda.
Námið undirbýr nemendur fyrir fjölbreytt störf í einkageiranum og opinberri stjórnsýslu, jafnt innanlands sem á alþjóðavettvangi. Þetta er framsækið nám fyrir þá sem vilja sérhæfa sig í faglegri miðlun og samskiptastjórnun í síbreytilegu samfélagi.
Meistaranám í samskiptastjórnun getur verið ákjósanlegt framhald af margvíslegu grunnnámi, svo sem í miðlun og almannatengslum.
Fagstjóri námslínunnar er dr. Eiríkur Bergmann.
-
Einstakt nám
Nýtt MA-nám í samskiptastjórnun hefst haustið 2025 og veitir einstakt tækifæri til að hasla sér völl á einu áhugaverðasta sviði samtímans – stjórnun samskipta fyrirtækja, stofnana og annarra skipulagsheilda. Námið býður upp á dýpri innsýn í þetta sívaxandi fag og þjálfar nemendur í að verða leiðandi á sviði samskiptastjórnunar.
Í þessu framsækna og þverfaglega námi er lögð áhersla á að skilja flókið samband fjölmiðlunar, viðskipta, stjórnunar og almannatengsla. Kjarni námsins felst í því að byggja upp traust samskipti, hlúa að samböndum við hagaðila og mæta væntingum þeirra í síbreytilegu upplýsingaumhverfi. Þú munt öðlast hæfileikann til að greina upplýsingar, útfæra áhrifaríkar samskiptaaðferðir og stjórna samskiptum í krefjandi rekstrarumhverfi.
-
Nýstárlegt lokaverkefni
Lokaverkefni í samskiptastjórnun er hagnýtt ráðgjafaverkefni sem byggir á áskorunum úr atvinnulífinu. Nemendur, hvort sem þeir vinna sem einstaklingar eða í teymum, taka fyrir krefjandi samskiptaáskorun sem byggir á raunhæfu dæmi úr starfsemi fyrirtækja, stofnana eða félagasamtaka.
Í verkefninu reynir á:
- Fræðilega færni: Hæfni til að byggja á kenningum og rannsóknum á sviði samskiptastjórnunar og almannatengsla.
- Tæknilega útfærslu: Getu til að útfæra praktískar og framkvæmanlegar áætlanir í samræmi við bestu starfsvenjur og nýjustu tækni í faginu.
- Skapandi hugsun: Hæfni til að finna nýstárlegar og árangursríkar lausnir við flóknum samskiptaáskorunum.
Verkefnið býður nemendum upp á einstakt tækifæri til að tengja saman fræðilega þekkingu og raunverulegar aðstæður í starfsemi samskiptastjóra. Niðurstöður verkefnisins verða að vera bæði hagnýtar og fræðilega ígrundaðar, og geta nýst sem raunveruleg lausn í starfsemi þeirra sem takast á við svipaðar áskoranir í atvinnulífinu. Með þessu verkefni öðlast nemendur dýrmæta reynslu sem undirbýr þá fyrir fagleg störf í samskiptastjórnun, ásamt því að styrkja færni þeirra í að vinna undir tímapressu, taka upplýstar ákvarðanir og kynna lausnir á skýran og sannfærandi hátt.
-
Lærðu heima
Háskólinn á Bifröst er í fararbroddi í fjarnámi, sem gerir þér kleift að vera í námi á þínum forsendum. Áhersla er lögð á einstaklingsbundna nálgun og námsumhverfi er stafrænt og sveigjanlegt. Stafrænt fjarnám er þannig frábær valkostur fyrir fólk sem hentar að vera í sveigjanlegu háskólanámi, vegna vinnu með námi eða af einhverjum allt öðrum ástæðum.
-
Inntökuskilyrði meistaranáms
Inntökuskilyrði í námið er grunngráða háskólanáms (t.d. BS, BA, Bed eða BFA) eða menntun og reynsla sem telja má sambærilega við grunngráðu í háskóla.
Forgangsröðun við inntöku nemenda ræðst af einkunnum.
-
Umsóknarfrestur vorönn 2026
Umsóknarfrestur fyrir vorönn 2026 er til og með 7. desember 2025.