Innra eftirlit - innri endurskoðun og regluvarsla

Stjórnendur bera síaukna ábyrgð á upplýsingagjöf fyrirtækja út á við; til hluthafa og annarra haghafa jafnt sem opinberra eftirlitsaðila og út á fjármálamarkað. Með aukinni ábyrgð stjórnenda eykst krafan um gæði upplýsinga og reglufylgni innan fyrirtækis. Þetta hefur í för með sér aukna áherslu á innra eftirlit, regluvörslu og innri endurskoðun hjá stærri jafnt sem smærri fyrirtækjum og sérfræðinga með fjölbreyttan bakgrunn og menntun þarf til að sinna því hlutverki.

Í þessari námslínu öðlast nemendur þekkingu á grundvallar aðferðafræði lögfræðinnar auk þess sem fjallað er um innra eftirlit í fyrirtækjum, hlutverk regluvarða og starfsemi innri endurskoðunar. Þá felur námsleiðin í sér ítarlega yfirferð yfir lögfræði fjármálamarkaðar, bæði stofnanaumhverfi hans og verðbréfamarkaðsrétt.

Námslínan hentar fyrir þau sem starfa í íslensku atvinnulífi á sviði regluvörslu og innri endurskoðunar eða hafa áhuga á slíkum störfum.

Fjöldi ECTS eininga og dreifing vinnuálags  

Námið er samtals 24 ECTS einingar og samanstendur af fjórum námskeiðum sem eru 6 ECTS einingar hvert. Þau eru: 

Aðgangsviðmið og umsóknarfrestur

Umsóknarfrestur er til 9. ágúst 2026

Gerð er krafa um að umsækjandi hafi lokið grunnháskólagráðu (bakkalár), sem að jafnaði hefur verið lokið með fyrstu einkunn (7,23 eða hærra) eða jafngildi þess. 

Vinsamlegast láttu fylgja gögn í viðhengi með umsókn sem sýna að þú uppfyllir aðgangsviðmið. 

Allar nánari upplýsingar eru veittar á netfanginu lagadeild hja bifrost.is  

Fagstjóri námsins er Elín H. Jónsdóttir

Kennsluskrá

Sækja um

  • Aðgangsviðmið

    Gerð er krafa um að umsækjandi hafi lokið grunnháskólagráðu (bakkalár), sem að jafnaði hefur verið lokið með fyrstu einkunn (7,25 eða hærra) eða jafngildi þess.

    Umsækjendur sem hafa grunngráðu í lögfræði þurfa ekki að taka Inngang að lögfræði til þess að skrá sig í þetta örnám.

  • Hæfnis- og lærdómsviðmið

    Nemandi hafi öðlast þjálfun í fræðilegum og hagnýtum þáttum sem snúa að úrlausn lögfræðilegra álitaefna í tengslum við sjálfbærni. Þekki og skilji alla helstu þætti er viðkoma sjálfbærni fyrir fyrirtæki, stofnanir eða þriðja aðila á lagaeglum grundvelli.

     Nemandi öðlast getu og hæfni til þess að afla og greina viðeigandi gögn og heimildir og rökstyðja lögfræðilega niðurstöðu. Auk þess að geta rökrætt og tjáð sig um lagaleg úrlausnarefni á faglegan máta ásamt því að að geta tekið sjálfstæðar, faglegar ákvarðanir og rökstutt þær á lögfræðilegum grunni.

  • Námsmat

    Áhersla er á verkefnadrifið námsmat þar sem nemendur vinna m.a. raunhæf verkefni, spurningakannanir, ritgerðir og munnlegt eða skrifleg próf auk þess að taka þátt í umræðum.

  • Að námi loknu

    Nemandi sem lýkur námsleið í örnámi fær staðfestingu á námslokum með upplýsingum um fjölda ECTS eininga. Hann fær einnig námsferilsyfirlit með upplýsingum um skipulagningu örnámsins.

    Námskeið í örnámi leiða ekki að prófgráðu.

    Nemandi sem lýkur stökum námskeiðum í örnámi til ECTS eininga, en ekki fullri námsleið fær námsferilsyfirlit yfir lokin námskeið.

    Nemandi sem lýkur ekki ECTS einingum fær ekki staðfestingu á námslokum, en þeir geta fengið staðfestingu á skráningu.

    Einingum sem lokið er í þessari námslínu geta nýst til MBL gráðu í viðskiptalögfræði að teknu tilliti til reglna háskólans um mat á fyrra námi.