Þjónusta

Þjónusta í boði

Safnið er opið starfsfólki og nemendum Háskólans á Bifröst sem og öðrum íbúum háskólaþorpsins. Lánstími bóka er almennt mánuður nema ef um er að ræða handbækur og námsbækur. Handbækur eru eingöngu til notkunar á safninu og námsbækur eru á styttri lánstíma. Skráðir lánþegar geta endurnýjað lánið ef efnið hefur ekki verið pantað af öðrum. Safnið áskilur sér rétt til að senda notendum reikning vegna glataðra safngagna.

Þjónusta við fjarnema

Leitast er við að veita fjarnemum við háskólann eins hraða og góða þjónustu og hægt er.  Þjónusta við þá felst meðal annars í að senda þeim bækur í pósti, bókin er send til þeirra á kostnað safnsins en þeir greiða sjálfir póstburðgargjald við skil ef þeir eiga ekki tök á að koma henni til skila með öðrum hætti.

Bókakafla er hægt að biðja um að fá skannaða og senda, sé það innan þeirra marka sem samningur við Fjölís heimilar. 10% af bók eða hámark 30 blaðsíður.

Best er að senda beiðnir um þjónustu til bókasafnsins á netfangið bokasafn@bifrost.is.  

Þjónusta við kennara

Kennurum við skólann stendur öll þjónusta bókasafnsins til boða, auk þess geta þeir óskað eftir skönnun á kennsluefni til birtingar á kennsluvef námskeiðs.

Millisafnalán

Bókasafnið útvegar notendum bækur sem bókasafnið á ekki, eða tímaritsgreinar frá öðrum söfnum, innlendum eða erlendum. Mikil áhersla er lögð á hraða millisafnalánaþjónustu á Bókasafni Háskólans á Bifröst, og reynt að sinna öllum beiðnum innan sólarhrings frá því þær berast.

Þessi þjónusta er veitt án endurgjalds. Til þess að þjónustan sé skilvirk er notendum ráðlagt að athuga sjálfir hvort viðkomandi rit finnist í í Leitir.is og panta millisafnalánið þar. Í leitir.is er einnig að finna eyðublað fyrir pantanir í millisafnaláni sem ekki eru til á innlendum bókasöfnum. Ítarlegar upplýsingar um efnið sem pantað er tryggir skjótari afgreiðslu. Til dæmis: 

  • Greinar
    • fullan titil tímarits, eða staðlaða skammstöfun, ár, bindi, hefti, höfund, titil greinar, blaðsíðutal og ISSN-nr ef það er vitað.
  • Bækur
    • höfund/ritstjóra, titil, útgáfu, útgáfustað, útgáfuár og ISBN-nr. 

Greinar og bækur sem fengnar eru  innanlands frá berast yfirleitt innan viku, en greinar og rit erlendis frá tekur oft margar vikur að útvega.  Að meðaltali má segja að það taki u.þ.b. hálfan mánuð að útvega efni frá útlöndum.

Lánstími millisafnalána

Algengur lánstími frá innlendum og erlendum söfnum er þrjár til fjórar vikur.  Stundum er mögulegt að fá lánstíma framlengdan en beiðni um slíkt þarf að hafa borist starfsfólki bókasafns áður en lánsfresturinn rennur út. Það er ákaflega mikilvægt að skilafrestur bóka sem fengnar eru í millisafnaláni sé virtur og nokkuð háar fjársektir liggja við glatist bók sem fengin er með þessum hætti.

Uppfært í nóvember 2020

Hvers vegna að velja Bifröst?

  1. Í fararbroddi í fjarnámi
  2. Allt námsefni aðgengilegt á netinu þegar þér hentar
  3. Skólinn kemur til þín og mætir þínum þörfum
  4. Sterk tengsl við atvinnulífið
  5. Persónuleg þjónusta