Nemendur við Háskólann á Bifröst fá úthlutað Bifrastar-auðkenni, sem veitir þeim aðgang að þráðlausa neti og tölvukerfum háskólans, s.s. Uglu, Canvas kennslukerfið og Inspera prófakerfið. 

Auðkennin samanstanda af aðgangsorði og lykilorði oh eru sótt í samskiptaskiptagáttina þar sem umsóknir eru afgreiddar. Þú ferð undir yfirlit umsókna og um leið og auðkennið þitt er tilbúið til afhendingar birtist grænn hnappur sem smellt er á.

Til að skrá þig inn á samskiptagáttina notar þú auðkennið sem bjóst til þegar þú nýskráðir þig þar sem notanda.

Ugla er innri vefur Háskólans á Bifröst og sneisafull af bæði mikilvægum og gagnlegum upplýsingum fyrir þig sem nemenda við háskólann. Á forsíðunni biritst jafnframt Uglan þín með aðgang að þínum upplýsigum, s.s. tölvupósti, námskeiðum og fleira gagnlegu.

Smá Uglan er síðan snilldarapp sem nálgast má í App Store og GooglePlay. Með appið í farsímanum ertu með enn betri aðang að öllum þeim mikilvægu upplýsingum sem biritast á Uglunni.

Þú ferð inn á Ugluna á www.ugla.bifrost.is og skráir þig inn með Bifrastar auðkennum þínum. Þú sækir Bifrastar-auðkennin undir Yfirlit umsókna í samskiptagátt Háskólans á Bifröst.

Gera má ráð fyrir að 1-2 virkir dagar líði frá því að þú greiðir skólagjöld þar til gengið hefur verið frá útgáfu Bifrastar-auðkennanna þinna. 

Á Uglunni getur þú fylgst með tölvupóstum, tilkynningum frá háskólanum, námskeiðunum þínum, einkunnum og fleira og fleira - auk þess sem þú getur farið beint inn á mikilvæg kerfi af Uglu.  

Þá skráir þú þig í námskeið á Uglunni. Mikilvægt er að fylgjast vel með tilkynningum um námskeiðskráningar. Aðeins þú getur skráð þig í námskeið og sú skráning getur aðeins farið fram á Uglunni þinni.

Við mælum þess vegna með því að þú venjir komur þínar á Uglu um leið og þú getur. Hún veitir einstaklega þægilega og aðgengilega yfirsýn yfir hluti sem skipta þig máli sem nemenda við Háskólann á Bifröst.

Canvas er stafrænt kennslukerfi fyrir samskipti kennara og nemenda. Nemendur geta á einum og sama staðnum sótt kennsluefni ásamt öðrum upplýsingum sem tengjast námskeiðum, sótt fyrirlestra, tekið þátt í spjallþræðum og fleira. Þá geta nemendur einnig skráð sig saman í hópa og átt í umræðum innan hópsins og skilað verkefnum saman, svo að dæmi séu tekin.

Þú kemst inn á Canvas á Uglunni eða skráir þig beint inn á kennslukerfið með Bifrastar-auðkenninu þínu.

Þú getur jafnframt hlaðið niður Canvas appinu á farsímann þinn - algjör snilld - á App Store eða GooglePlay.

Fara á Canvas

Inspera er lokað prófakerfi sem hentar einstaklega vel háskólum sem sérhæfa sig í stafrænni miðlum líkt og Háskólinn á Bifröst. 

Kerfið hefur verið í notkun hér á landi um nokkurra ára skeið. Það er norskt að uppruna og þykir bæði þægilegt og aðgengilegt í noktun.

Inspera er í notkun hjá flestum ef ekki öllum háskólum á Ísland og fjölmörgum norrænum háskólum.

Allar umsóknir um háskólanám við Bifröst fara fram í samskiptagátt Háskólans á Bifröst. 

Námskeiðskráningar fara hins vegar fram á Uglu. Mikilvægt er að allir nemendur séu meðvitaðir um það, að hver og ein/n/tt ber ábyrgð á skráningu í námskeið og þar með á eigin námsframvindu. 

Þú skráir þig inn í samskiptagátt með þeim auðkennum sem þú bjóst til þegar þú skráðir þig þar inn sem nýr notandi.

Þú skráir þig inn á Uglu með Bifrastar-auðkenni (notendanafn og lykilorð) sem þú sækir inn á samskiptagátt undir "Yfirlit umsókna"). 

Hvert skólaár markast af mikilvægum dagsetningum. Við höfum safnað þeim mikilvægustu saman á einn stað á háskólavefnum undir heitinu Dagskrá skólaársins.

Að hefja nám á háskólastigi getur vakið upp ýmsar spurningar. Við höfum tekið algengustu spurningar saman ásamt svörum - smelltu hér.

Ugla er innri vefur Háskólans á Bifröst og er gagnlegum upplýsingum ætlaðar nemendum og starfsmönnum háskólans miðlað þaðan. Mikilvægt er því að fylgjast vel með Uglu yfir námstímann.

Ef þú ert með spurningar sem þú finnur hvergi svör við gæti einhver af eftirtöldum veitt þér upplýsingarnar sem þú leitar að:

• Þjónustuborð (bifrost@bifrost.is, s. 433 3000)
• Tækniaðstoð (hjalp@bifrost.is)
• Náms- og starfsráðgjafi (namsradgjof@bifrost.is)
• Verkefnastjóri grunnnáms viðskiptadeildar (vidskiptadeild@bifrost.is) 
• Verkefnastjóri grunnnáms félagsvísindadeildar (felagsvisindadeild@bifrost.is) 
• Verkefnastjóri grunnnáms lagadeildar (lagadeild@bifrost.is)
• Verkefnastjóri meistaranáms (meistaranam@bifrost.is)
• Verkefnastjóri háskólagattar (haskolagatt@bifrost.is)

Þjónustuborð Háskólans á Bifröst er opið kl. 08:30 til 16:00 (lokað 12:00-13:00).

Tekið er við fyrirspurnum á bifrost@bifrost.is, síma 433 3000 eða í skilaboðaskjóðu á bifrost.is.

Tekið er við beiðnum um tækniaðstoð á hjalp@bifrost.is.

Móttökustjóri þjónustuborðs er Thelma Theodórsdóttir.

Á vefforsíðunni okkar er veittur aðgangur að þjónustugátt. Þú skráir þig með rafrænum skilríkjum inn á gáttina. 

Þjónustugáttin veitir þér aðgang að ýmsum vottorðum, staðfestingum og umsögnum varðandi skólagönguna á Bifröst.

Á meðal þess sem þú getur sótt þangað er: 

• Staðfest námsferilsyfirlit
• Staðfesting á skólavist
• Staðfesting á upphæð skólagjalda
• Staðfesting á loknum einingum
• Umsókn um mat á fyrra námi  (Smelltu hér fyrir nánari upplýsingar um matsferlið) 

Vinsamlegast athugaðu að kvittun fyrir greiðslu skólagjalda er í heimabanka. Reikningur fyrir skólagjöldum birtist undir rafræn skjöl. Um leið og þú hefur greitt reikninginn birtist þar hnappur sem gerir þér kleift að prenta út kvittun fyrir greiðslunni (opna reikninginn og velja Prenta út PDF)

Aðstoð vegna tæknilegra vandamála og notkunar á kennslukerfum skólans

Ef þig vantar aðstoð sendu okkur tölvupóst á hjalp@bifrost.is. Á skrifstofutíma má einnig hringja í síma 433 3080 eða í þjónustuborð skólans í 433 3000.

Í upplýsingamiðlun hjá Háskólanum á Bifröst er meginreglan sú, að upplýsingum er miðlað á almennan og gagnsæjan hátt á nokkrum mismunandi rásum eða miðlum.

Þessir miðlar eru helstir almennur háskólavefur á bifrost.is, Hriflan hlaðvarp og fréttabréf Háskólans á Bifröst sem dreift er með tölvupósti á netföng innan háskólans. Þá er Háskólinn á Bifröst á öllum helstu samfélagsmiðlum.

Helstu miðlar og kerfi Háskólans á Bifröst eru:

• Háskólavefur á bifrost.is
• Hriflan - hlaðvarp
• Háskólinn á Bifröst á Facebook
• Háskólinn á Bifröst á Instagram
• Háskólinn á Bifröst á YouTube
• Fréttabréf Háskólans á Bifröst

Hlutverk náms- og starfsráðgjafarHáskólans á Bifröst er að veita nemendum margvíslegan stuðning og þjónustu meðan á námi stendur. 

Markmið ráðgjafarinnar er að stuðla að auknum árangri og vellíðan í námi. Náms- og starfsráðgjöf fer fram í trúnaði. 

Bóka má viðtöl með því að senda tölvupóst til namsradgjof@bifrost.is

Viðtöl eru bæði veitt á staðnum og á fjarfundi. 

Á Bifröst er mikil áhersla lögð á alþjóðlegt samstarf við erlenda háskóla. Nemendum býðst að fara og stunda nám í einum af samstarfsskólum Bifrastar erlendis og er námið metið inn í grunnnám viðkomandi svo ekki glatist mikilvægur tími úr náminu. Skiptinám er góður undirbúningur fyrir nám og störf í alþjóðlegu umhverfi og um leið fá nemendur tækifæri til að kynnast annarri menningu, öðlast mikilvæga reynslu og víkka sjóndeildarhringinn.

Strætó gengur til Bifrastar og frá tvisvar á dag flesta daga vikunnar. 

Leið 57 (Reykjavík - Akureyri) fer tvær ferðir á dag frá Mjódd í Reykjavík alla daga vikunnar, nema fimmtudaga og laugardaga, en þá daga er aðeins ein ferð.

Farið er frá Mjódd kl. 9:00 og 17:30 og tekur ferðin um 1 klst. og 55 mín. Farið er frá  Bifröst til Reykjavíkur kl. 14:52 og 20:57.

Sjá tímaáætlun leiðar 57

Nám við Háskólann á Bifröst fer fram í lotubundinni kennslu. Hverri önn er skipt upp í tvær lotur, sem taka 7 vikur hvor. Hver lota gerir svo ráð fyrir einni staðlotu á Bifröst. Staðlotur eru í kringum helgar. Nemendum gefst mikilvægt tækifæri til þess að hitta kennara og samnemendur og þátt í umræðum, hópverkefnum og fyrirlestrum, allt eftir því sem við á.

Staðloturnar fara fram á Bifröst og eru mikilvægur liður í háskólanáminu þínu fyrir þau persónulegu tengsl sem myndast á staðlotum og þróun samstarfs- og samskiptahæfni hjá nemendum. Þá er tengslamyndun mikilvægur undirbúningur fyrir framtíðina og þá möguleika sem námið getur veitt þér.

Nemendur við Háskólann á Bifröst geta sótt margs konar þjónustu til bókasafnsins. Auk þess sem bókasafnið lánar út bækur og rafbækur, rekur safnið gagnlegar upplýsingarsíður á háskólavefnum sem snúa m.a. að heimildaleit og heimildaskráningu svo að dæmi séu nefnd. Hafa má samband við bókasafn á bokasafn@bifrost.is eða í síma 433 3099 á opnunartíma safnins kl. 08:00-16:00 virka daga. 

Fara á bókasafnsvef

Það er alltaf gott að koma á Bifröst. Öll aðstaða til náms á Bifröst er til fyrirmyndar og stuðlar að góðum árangri í námi. Háskólaþorpið er hlýlegt og umhverfið í Norðurárdal er einstaklega fallegt. Lífið í háskólaþorpinu hentar jafnt einstaklingum sem fjölskyldum og á Bifröst eignast fólk vini fyrir lífstíð. Íbúðarhúsnæði er hagkvæmt og fjölbreytt og hentar jafnt einstaklingum sem fjölskyldum.

Nánar um Húsnæðisþjónustu Háskólans á Bifröst

Á Uglu - innri vef Háskólans á Bifröst má finna ítarlegar upplýsingar um gistimöguleika fyrir þá sem vilja finna sér hentuga gistingu yfir staðlotur. 

Nemendafélag Háskólans á Bifröst er hagsmunafélag allra nemenda á Bifröst. Til að hafa samband við nemendafélagið er bent á facebooksíðu félagsins og einnig hægt að senda póst á netfangið nemendafelag@bifrost.is.

Félagið stendur jöfnum höndum fyrir ýmsum viðburðum í félagslífi nemenda og hefur það á frábærri aðstöðu að skipa á háskólasvæðinu þar sem viðburðir á vegum þess fara fram.

Þá er nemendafélagið er meðlimur í LÍS – Landssamtökum íslenskra stúdenta ásamt öðrum stúdentafélögum landsins.

Nánar um Nemendafélag Háskólans á Bifröst - Nemó

Nýnemadagar eru í upphafi hvers skólaárs, annars vegar nýnemadagar grunn- og meistaranema og hins vegar eru nýnemadagar hjá Háskólagátt Háskólans á Bifröst.

Á nýnemadögum kynnum við háskólann okkar fyrir nýjum nemendum. Þú færð mikilvægar leiðbeiningar fyrir tölvukerfin og upplýsingatæknina sem námið þitt byggir á ásamt heildstæðum upplýsingum um þá þjónustu nemendur hafa aðgang og að hverju gæta þurfi svo að allt geti gengið snurðulaust fyrir sig. 

Þá gefst árgangnum frábært tækifæri til að kynnast innbyrðis ásamt kennurum og starfsmönnum skólans.

Það segir sig því nánast sjálft að það getur margborgað sig að mæta á Bifröst og fá allar þessar hagnýtu upplýsingar beint í æð. Reynslan hefur enda sýnt að þeir sem mæta gengur almennt betur að koma sér í gang í náminu.