Starfsnám

Nemendur geta sótt um starfsnám í stað valnámskeiðs. Starfsnámið er í öllum tilvikum ólaunað en nemendur fá 6 ECTS einingar fyrir fulla vinnu í fjórar vikur (160 klukkustundir). Starfsnámið er valkostur sem nemendur í öllum námslínum í grunn- og meistaranámi geta sótt um  í stað 6 eininga valnámskeiðs.

Hægt er að sækja um starfsnám til umsjónarmanns starfsnáms. Ekki er sérstakur umsóknarfrestur en nemendur þurfa að athuga að því fyrr sem umsókn berst, því líklegra er að hægt sé að verða við beiðni um starfsnám. Skólinn getur ekki tryggt fyrirfram að pláss finnist fyrir alla þá sem sækja um starfsnám hverju sinni þar sem við treystum á samstarf fyrirtækja í þessum efnum. Leitast er við að vinna úr umsóknum nægjanlega hratt til að nemendur geti gert aðrar ráðstafanir varðandi skráningar í námskeið ef ekki tekst að finna pláss fyrir alla umsækjendur.

Umsókn þarf að fylgja ferilskrá ásamt upplýsingum um hvenær óskað er eftir að komast að í starfsnám og hver eru helstu áhugasvið umsækjenda. Ferilskráin þarf að vera nægjanlega vönduð til að hægt sé að framsenda áfram á þau fyrirtæki sem eru í samstarfi við skólann um starfsnám. 

Skilyrði þess að komast í starfsnám er að nemandi hafi lokið 110 ECTS í grunnnámi og 30 ECTS í meistaranámi og hafi fyrstu einkunn. Ákvörðun um hvort nemandi fái námsvist byggist á námsárangri, hversu langt nemandi er kominn í námi svo og þörfum og óskum samstarfsaðila skólans.

Skólinn getur ekki tryggt fyrirfram að pláss finnist fyrir alla nemendur sem sækja um starfsnám hverju sinni, þar sem við treystum á samstarf fyrirtækja í þessum efnum. Leitast er við að vinna úr umsóknum nægjanlega hratt til að nemendur geti gert aðrar ráðstafanir varðandi skráningar í námskeið, ef ekki tekst að finna pláss fyrir alla umsækjendur.

Leifur Finnbogason hefur umsjón með starfsnáminu og hafa má samband við hann gegnum netfangið starfsnam@bifrost.is 

Ábyrgðarmenn starfsnámsins eru Elín Jónsdóttir (Lagadeild), Anna Hildur Hildibrandsdóttir (Félagsvísindadeild) og Stefán Kalmansson (Viðskiptadeild).

Nánari upplýsingar er að finna í viðmiðum um starfsnám í grunnnámi og meistaranámi.

Starfsnám í grunnnámi

Starfsnám í meistaranámi