MA í viðskiptalögfræði er 120 ECTS eininga nám með 30 ECTS eininga ritgerð.
MBL námið er 90 ECTS eininga nám án ritgerðar.
Nemendur sem eru með grunngráðu í lögfræði og velja 120 ECTS nám með ritgerð í viðskiptalögfræði, útskrifast með ML í viðskiptalögfræði.
Einstakt meistaranám á Íslandi
Meistaranám í viðskiptalögfræði er það eina sinnar tegundar á Íslandi. Námið er ætlað jafnt nemendum með bakgrunn í lögfræði og þeim sem lokið hafa háskólaprófi úr öðrum greinum. Meginmarkmið með náminu er að nemendur öðlist þekkingu á viðskiptalögfræði og færni til að nýta þekkingu sína í viðskiptalífinu.
Námið er hagnýtt og krefjandi og veitir nemendum góðan undirbúning til að takast á við krefjandi verkefni í atvinnulífinu. Námið er jafnframt lifandi og miðar að því að veita innsýn inn í síbreytilegt umhverfi viðskiptalífsins. Kennarar koma jafnt úr fræðasamfélaginu sem og úr atvinnulífinu sem skapar náminu og nemendum aukna vídd. Lestur fræðirita, umfjöllun um málefni líðandi stunda, samræður á milli nemenda og kennara auk raunhæfra verkefna gera námið að eftirsóknaverðum valkost. Nemendur eiga að námi loknu að hafa öðlast færni til þess að starfa þvert á viðskiptalífið í ýmsum störfum s.s. sérfræðistörfum, sem stjórnendur og sjálfstæðir ráðgjafar.
Fagstóri námsins er Elín H. Jónsdóttir
-
Inntökuskilyrði
Almennt er miðað við að umsækjandi hafi lokið grunngráðu háskólanáms (t.d. BS, BA, Bed eða BFA) með fyrstu einkunn (7,25).
Nemendur í meistaranámi í viðskiptalögfræði sem ekki hafa BA gráðu á sviði lögfræði þurfa að ljúka námskeiði í inngangi að lögfræði samhliða eða áður en meistaranám hefst.
Forgangsröðun við inntöku nemenda ræðst af einkunnum.
Gerð er krafa um færni í íslensku á stigi C 1.2
-
Lærðu heima
Háskólinn á Bifröst er í fararbroddi í fjarnámi, sem gerir þér kleift að vera í námi á þínum forsendum í stafrænu námsumhverfi. Stafrænt fjarnám er frábær valkostur fyrir fólk sem hentar að vera í sveigjanlegu háskólanámi, vegna vinnu með námi eða af einhverjum allt öðrum ástæðum. Samhliða þessu leggur skólinn einnig áherslu á búa til samfélag nemenda og í því tilliti sinna nemendur hópverkefnum og koma saman í staðlotum þar sem nemendur búa til tengsl við samnemendur sína og kennara.
-
Fyrirkomulag námsins
Námið er að mestu leyti kennt í fjarkennslu. Sé námið teki á fullum hraða, er hægt að ljúka því á þremur önnum. Fjarnám hentar sérstaklega fólki sem vill sækja sér framhaldsmenntun samhliða vinnu.
-
Að námi loknu
Nemendur sem ljúka námi útskrifast með meistaragráðu í viðskiptalögfræði. Hafi nemandi áhuga á áframhaldandi námi á doktorsstigi er nauðsynlegt að velja að útskriftast frá ML/MA línu námskeiðisins.
Athygli er vakin á því að útskrifaðir nemendur með MA og MBL í viðskiptalögfræði öðlast ekki rétt til að sitja námskeið til að öðlast lögmannsréttindi. Sjá nánar reglur um fullnaðarpróf.
Þeir nemendur sem ljúka 120 ECTS námi með lokaritgerð og hafa lokið grunnnámi í lögfræði útskrifast úr náminu með ML í viðskiptalögfræði.
Nemandi sem lýkur MBL námi getur sótt sér framhaldsmenntun á meistarastigi en ekki á doktorsstigi.
-
Reglur um fullnaðarpróf í lögfræði við Háskólann á Bifröst
Til þess að teljast hafa lokið fullnaðarprófi í lögfræði frá Háskólanum á Bifröst þurfa nemendur að ljúka ML námi við háskólann en einnig þurfa þeir að hafa lokið grunnnámi í lögfræði þannig að samanlagður einingafjöldi úr greinum innan lögfræðinnar séu að minnsta kosti 240 ECTS. Þeir sem uppfylla ekki þetta skilyrði teljast ekki hafa lokið fullnaðarprófi við lagadeild Háskólans á Bifröst.
Háskólinn leggur áherslu á að grunnnám í viðskiptalögfræði, meistaranám í Viðskiptalögfræði og meistaranám í lögfræði, sé þannig uppbyggt, á hverjum tíma, að nemendur hafi kost á því að útskrifast með fullnaðarpróf í lögfræði. Nemendur í viðskiptalögfræði sem ætla að útskrifast með fullnaðarpróf þurfa að gæta þess að uppfylla ofangreind lágmarksskilyrði miðað við þau valfög sem þau velja sér í náminu. Auk þeirra námskeiða sem gerð er sérstök krafa um í lögum þurfa nemendur sem ljúka fullnaðarprófi við Háskólann á Bifröst að hafa lokið námskeiðum í alþjóðalögum, réttarheimspeki, samningarétti, stjórnskipunarrétti, stjórnsýslurétti, og Evrópurétti.
Lesa reglur um fullnaðarpróf við Háskólann á Bifröst í heild sinni hér.Reglur um fullnaðarpróf við Háskólann á Bifröst
- Nemandi þarf að hafa lokið grunnnámi í lögfræði eða viðskiptalögfræði 180 ECTS.
- Nemandi þarf að hafa lokið ML námi í lögfræði/viðskiptalögfræði 120 ECTS.
- Samanlagður einingafjöldi lögfræðinámskeiða má ekki vera lægri en 240 ECTS
- Nemendur skulu hafa lokið námskeiðum í réttarheimildafræði, lögskýringum, réttarheimspeki, kröfurétti, skaðabótarétti, samningarétti, réttarfari, refsirétti, stjórnskipunarrétti, stjórnsýslurétti, alþjóðalögum og Evrópurétti.
-
Umsóknarfrestur
Umsóknarfrestur fyrir skólaárið 2025-2026 var til og með 5. júní 2025.