Markmið náms í háskólagátt er að veita fólki tækifæri til að sækja sér öflugan undirbúning fyrir nám á háskólastigi. Námið er sniðið fyrir að þeim sem ekki uppfylla aðgangsviðmið í háskóla eða vilja styrkja undirbúning sinn áður en þeir hefja háskólanám. Að loknu námi við háskólagátt geta nemendur hafið grunnám við allar deildir Háskólans á Bifröst. Námið er 70 framhaldsskólaeiningar og er fullt nám í eitt ár. Einnig er hægt að skrá sig í Háskólagátt með vinnu og dreifa þá náminu á lengri tíma.
Nám við háskólagátt er stafrænt fjarnám og hentar vel samhliða vinnu.
Í Háskólagátt eru kenndar kjarnagreinar framhaldsskólastigsins: íslenska, stærðfræði og enska auk sérhæfðari námskeiða sem undirbúa nemendur fyrir grunnnám Háskólans á Bifröst, virka þátttöku í lýðræðissamfélagi og áframhaldandi líf og störf.
- Skipulag námsins í kennsluskrá skólans miðað við fullt nám
- Skipulag námsins í Kennsluskrá skólans miðað við að námið sé tekið á tveimur árum
Námskrá Háskólagáttar miðar við að nemendur hefji nám á haustönn. Innritun fer einnig fram á vorönn, en nemendur sem hefja nám á vorönn geta ekki tekið fullt nám þar sem fyrstu námskeið í stærðfræði og íslensku eru kennd á haustönn.
-
Aðgangsviðmið
Nám í háskólagátt er ætlað fullorðnum nemendum. Þeir sem uppfylla eitthvert af eftirfarandi geta sótt um nám í háskólagátt:
- Hafa lokið námi til starfsréttinda eða öðru námi af hæfniþrepi 2 eða hærra
- Hafa lokið Menntastoðum og hafa auk þess a.m.k. 2.-3. ára reynslu á vinnumarkaði
- Hafa lokið a.m.k. 100 einingum í framhaldsskóla (60 einingum í eldra kerfi)
Leggi umsækjandi fram gilt raunfærnimat tekur skólinn mið af því við meðhöndlun umsóknar.
Nám í háskólagátt er lánshæft hjá Menntasjóði Námsmanna. sjá nánar á www.menntasjodur.is
-
Skipulag náms
Skyldunámskeið eru 65 einingar. 5 einingar eru valnámskeið, en nemendur taka eitt af þremur valnámskeiðum.
Hér má sjá uppbyggingu náms við Háskólagátt 2024-2025. Áfangalýsingar eru í kennsluskrá á heimasíðu Háskólans á Bifröst
Haustönn
Forlota (tvær vikur)
Einingar
Hæfniþrep
Leiðin mín í lífinu 1 (allt misserið)
1
2
Upplýsingatækni
3
1
Lota 1
Stærðfræði: Algebra, rúmfræði, föll og hlutföll
5
2
Íslenska: Málnotkun og ritun
5
2
Skapandi og gagnrýnin hugsun
5
3
Lota 2
Stærðfræði: Föll, veldi, deildarreikningur, lógaritmar, runur og raðir
5
2
English: Literature, grammar and expression (B2)
5
2
Landið mitt Ísland
5
3
Vorönn
Lota 1
Einingar
Hæfniþrep
Leiðin mín í lífinu 2 (allt misserið)
1
2
Stærðfræði: Föll, markgildi, deilda- og heildareikningur
5
3
English: Vocabulary and composition (B2)
5
3
Íslenska: Bókmenntir fyrri alda
5
3
Samfélagsspegill
5
3
Lota 2
Íslenska: Bokmenntir seinni alda
5
3
Tölfræði
5
2
Accounting and Financial Literacy (val*)
5
3
Academic English (val*)
5
3
Stofnun og rekstur fyrirtækja (val*)
5
3
* Nemandi þarf að ljúka einu af þremur valnámskeiðum
-
Hentugt námsfyrirkomulag
Nám í háskólagátt er kennt í fjarnámi, en nemendur koma á tvær staðlotur á skólaárinu auk þess sem þeir mæta á nýnemdadaga við upphaf námsins.
Hver önn skiptist í tvær sex vikna lotur, svo hvert fimm eininga námskeið er kennt á sex vikum auk einnar námsmatsviku. Til viðbótar er kennd upplýsingatækni í tveggja vikna forlotu við upphaf náms á haustönn. Upplýsingar um námslotur og staðlotur má finna í dagskrá skólaársins.
Í háskólagátt er notast við vendikennslu sem felur í sér að nemendur fá fyrirlestra á rafrænu formi og sækja síðan umræðu- og verkefnatíma með kennurum. Gert er ráð fyrir að nemendur taki virkan þátt í samræðum í verkefna- og umræðutímum.
-
Skrásetningagjald
Nemendur í háskólagátt greiða kr. 75.000 í skrásetningagjald fyrir skólaárið 2025-2026.
Mörg stéttarfélög bjóða upp á styrki vegna náms og námskeiða. Kannaðu málið hjá stéttarfélaginu þínu.
-
Réttindi að námi loknu
Nemandi sem lýkur námi við háskólagátt með fullnægjandi árangri uppfyllir aðgangsviðmið í grunnnám allra deilda við Háskólann á Bifröst. Aðrir háskólar setja sín eigin aðgangsviðmið og nemendur sem stefna á nám við aðra háskóla eru hvattir til að kanna vel aðgangsviðmið þess skóla áður en þeir sækja um nám við háskólagátt.
-
Umsóknarfrestur
Opið er fyrir umsóknir vegna skólaársins 2025 - 2026. Umsóknarfrestur er til og með 5. júní.