Kaupmennska - vinnustofa
Í vinnustofunni er fjallað um helstu þætti sem tengjast sölumennsku og samningatækni til að ná hámarksárangri. Hvernig byggja má upp traust og þjónustu til að ná fram ,,win-win“ stöðu.
Borin saman samskipti við ólíka hópa viðskiptavina (B2B og B2C).
Farið í þætti markaðsfræði verslana sem tengja söluráða fyrirtækja. Fjallað um þætti á borð við markaðsstjórnun, rannsóknir á markaðs- og samkeppnisumhverfi, samkeppnisgreiningu, hámörkun ánægju og tryggð viðskiptavina.
Kennari: Agnes Gunnarsdóttir
Tímalengd: 3 klst.
Þjónandi forysta - vinnustofa
Vinnustofan veitir þátttakendum hagnýta innsýn í helstu þætti þjónandi forystu og hvernig nýta má hugmyndafræðina í daglegu starfi. Fjallað verður um virka hlustun, uppbyggingu trausts, ábyrgð leiðtogans og leiðir til að skapa starfsumhverfi þar sem fólk fær svigrúm til að vaxa, taka ábyrgð og nýta styrkleika sína.
Í vinnustofunni er lögð áhersla á sjálfsþekkingu leiðtogans, samskipti, teymisvinnu og mikilvægi þess að skapa sameiginlega sýn. Einnig verður fjallað um hvernig þjónandi forysta getur stuðlað að aukinni starfsánægju, betri samvinnu og sterkari vinnustaðamenningu. Þátttakendur vinna með raunhæf dæmi og fá hagnýt verkfæri sem þeir geta nýtt beint í eigin starfi.
Kennari: Skúli Ólafsson
Tímalengd: 3 klst.
Sala og samningatækni - vinnustofa
Vinnustofan veitir þátttakendum hagnýta innsýn í helstu þætti sölu, þjónustu og samningatækni. Fjallað verður um undirbúning samningaviðræðna, ólíka samningsstíla, uppbyggingu trausts og leiðir til að skapa lausnir sem gagnast báðum aðilum.
Í söluhluta vinnustofunnar er lögð áhersla á þarfagreiningu, virka hlustun, þjónustu sem lykil að árangri og ólíkar aðferðir í B2B- og B2C-sölu. Einnig verður fjallað um hlutverk sölustjóra, markmiðasetningu, eftirfylgni og algeng mistök í söluferlinu.
Kennari: Agnes Gunnarsdóttir
Tímalengd: 3 klst.
Þjálfun og þróun - vinnustofa
Vinnustofan veitir þátttakendum hagnýta innsýn í þjálfun, móttöku og þróun starfsfólks. Fjallað verður um leiðir til að miðla þekkingu á skýran og markvissan hátt, styðja við nám og hæfniuppbyggingu í daglegu starfi og skapa samræmi í þjálfun innan vinnustaðarins.
Áherslur og viðfangsefni vinnustofunnar eru sniðin að þörfum hvers hóps og geta meðal annars tekið til mótttöku nýs starfsfólks, miðlunar þekkingar og vinnustaðamenningar, samskipta, eftirfylgni og mats á því hvernig þjálfun skilar sér í framkvæmd.
Kennari: Auður Hrefna Guðmundsdóttir
Tímalengd: 3 klst.
Vörumerki og markaðssamskipti - vinnustofa
Vinnustofan fjallar um hlutverk markaðssamskipta í uppbyggingu og styrkingu vörumerkja.
Nemendur læra að tengja saman framtíðarsýn, gildi, markhópagreiningu, staðfærslu og kjarnaskilaboð og velja samskiptaleiðir sem henta ólíkum markhópum.
Fjallað er um samþættingu B2B- og B2C-markaðssamskipta, stafræna miðla, almannatengsl, samstarfsaðila og starfsfólk sem sendiherra vörumerkis.
Kennari: Agnes Gunnarsdóttir
Tímalengd: 3 klst. eða 90 mín.
CRM Stefnumiðuð stjórnun viðskiptatengsla - vinnustofa
Í vinnustofunni er fjallað um stefnumarkandi stjórnun viðskiptasamskipta á grundvelli CRM hugmyndafræðinnar. Hægt er að nýta stjórnun viðskiptatengsla á grundvelli CRM til að ná frábærum árangri í stjórnun sambanda.
CRM hjálpar fyrirtækjum m.a. að afla viðskiptavina, þjónusta viðskiptavini og halda viðskiptavinum og verður lögð sérstök áhersla á þessa þætti í allri umfjöllun.
Farið verður yfir helstu lykilatriði CRM, þ.á.m., innleiðingu, skipulagningu og notkun upplýsingatækni og skoðað hvernig CRM hugmyndafræðin og tæknilegir þættir vinna saman.
Kennari: Agnes Gunnarsdóttir
Tímalengd: 3 klst. eða 90 mín.
Samskipti og tjáning á vinnustöðum - Námskeið á netinu
Félagsleg samskipti á vinnustöðum eru stór partur af vellíðan á vinnustað. í þessu námskeiði er fjallað um ýmsa þætti samskipta á vinnustöðum, skilvirk samskipti og líkamstjáningu, hvernig slúðrið virkar og hvernig á að skilja mismunandi einstaklinga og taka tillit.
Námskeiðið er byggt upp á uppteknum fyrirlestrum sem nemendur hlusta á eftir hentugleika.
Í lok námskeiðs er opinn umræðufundur á Teams með kennara þar sem nemendum gefst kostur á að fara í dýpri umræðu um einhver atriði.
Kennari: Gréta Bergrún Jóhannesdóttir
Tímalengd: 5 klst.
