Fréttir og tilkynningar

22. febrúar 2020

Glæsileg Háskólahátíð þar sem 69 nemendur brautskráðust

Laugardaginn 22. febrúar útskrifaði Vilhjálmur Egilsson rektor 69 nemendur við hátíðlega athöfn. Nemendahópurinn samanstóð af grunn- og meistaranemum úr viðskiptadeild og félagsvísinda- og lagadeild. Þetta var í fyrsta skipti sem nemendur í diplómanámi í viðskiptafræði og verslunarstjórnun eru útskrifaðir frá skólanum, og flutti Ragnar Þór Ingólfsson, formaður VR stutta tölu að því tilefni. En námið er unnið í samstarfi við Háskólann í Reykjavík og VR.

Lesa meira

19. febrúar 2020

Brautskráning frá Háskólanum á Bifröst 22. febrúar

Laugardaginn 22. febrúar næstkomandi kl. 11.00 verður brautskráning frá Háskólanum á Bifröst. Alls munu 69 nemendur útskrifast úr grunn- og meistaranámi sem og Háskólagátt.

Lesa meira

14. febrúar 2020

Breyttur símatími á háskólaskrifstofu

Ákveðið hefur verið að breyta opnunartíma síma á háskólaskrifstofu Háskólans á Bifröst. Nú verður aðeins opið fyrir innhringingar á þjónustuborð á milli 09 - 12 og 13 – 15. Alltaf er þó hægt að senda starfsfólki tölvupóst og verður þeim svarað eins fljótt og auðið er. Þessi breyting er gerð til þess að straumlínulaga þjónustu og er vonin að þetta leiði til hraðari afgreiðslu erinda.

Lesa meira

11. febrúar 2020

Nemar í fjölmiðlafærni heimsækja Bítið á Bylgjunni

Sex nemendur í áfanganum Fjölmiðlafærni, sem Sigríður Arnardóttir (Sirrý) kennir, fengu í morgun að fylgjast með og taka þátt í útsendingu á þættinum Bítinu á Bylgjunni. Það voru þær Petrea Finnsdóttir, Nanna Jónsdóttir, Gréta Björk Ómarsdóttir, Jóhanna Ýr Ólafsdóttir, Elín Inga Ólafsdóttir og Heiðrún Jónsdóttir.

Lesa meira

30. janúar 2020

Jafnréttisdagar 2020

Jafnréttisdaga háskólanna verða haldnir dagana 3. – 7. febrúar næstkomandi og verða viðburðir þeim tengdir í öllum skólum. Jafnréttisdagar tvinna saman hinar ýmsu víddir jafnréttis og femínisma og skoða fjölbreytileika, forréttindi, þöggun, jafnréttisbaráttu, vald og mismunun. Áhersla er lögð á þau tækifæri sem skapast með því að setja hugmyndir um normið – hið „eðlilega“ – og hið undirskipaða undir smásjána.

Lesa meira

23. janúar 2020

Nýtt tölfræðihefti Háskólans á Bifröst komið út

Nú í vetur gaf kennslusvið út tölfræðihefti fyrir árin 2015-2019, Guðrún Björk Friðriksdóttir fór fyrir þeirri vinnu og sá um hönnun og uppsetningu. Í þessu hefti hafa verið teknar saman ýmsar tölfræðilegar upplýsingar um starfsemi skólans undanfarin ár og er miðað við síðastliðin fimm ár í lang flestum tilfellum. Notuð er myndræn framsetning ásamt töflum sem auðveldar yfirsýn yfir þróun og breytingar í nemendahópnum. Einnig eru birtar tölur í heftinu um kennslumat, starfsfólk, rannsóknir og fjármál.

Lesa meira

21. janúar 2020

Nýr lektor og mannauðsstjóri tekinn til starfa

Arney Einarsdóttir hefur hafið störf sem lektor við viðskiptadeild Háskólans Bifröst auk þess sem hún gegnir stöðu mannauðsstjóra skólans. Arney lauk doktorsprófi í mannauðsstjórnun frá Háskóla Íslands árið 2018. Hún starfaði sem lektor við viðskiptadeild Háskólans í Reykjavík frá árinu 2004 til 2017 og sem forstöðumaður rannsóknarstofnunar í mannauðsstjórnun. Frá 2018 starfaði Arney sem lektor við viðskiptafræðideild Háskóla Íslands.

Lesa meira

17. janúar 2020

Aldrei fleiri nýnemar hafið nám á vorönn

Nú um áramótin hefja yfir 70 nýnemar nám við Háskólann á Bifröst og hafa þeir aldrei verið fleiri. Þá barst einnig metfjöldi umsókna nú fyrir vorönn, en þær voru yfir 170 talsins. Nemendur við skólann eru þá orðnir vel á sjöunda hundrað en þeim hefur fjölgað statt og stöðugt síðastliðin 2 ár.

Lesa meira

15. janúar 2020

Njörður Sigurjónsson nýr prófessor á Bifröst

Njörður Sigurjónsson hefur hlotið framgang sem prófessor við Háskólann á Bifröst.

Njörður er doktor í menningarstjórnun (Cultural Policy and Management) frá City Unversity í Lundúnum. Þá hefur hann lokið M.Sc. gráðu í alþjóðaviðskiptum og BA gráðu í heimspeki frá Háskóla Íslands.

Lesa meira