Fréttir og tilkynningar
4. desember 2018
Nærri 100 manns samankomnir á afmælishátíð á Bifröst
Afmælishátíð á Bifröst þann 3. desember var vel sótt og komu þar saman nærri 100 velunnarar og hollvinir Háskólans á Bifröst ásamt þingmönnum, embættismönnum og starfsfólki skólans. Sérstakur heiðursgestur hátíðarinnar var háttvirtur forseti Íslands, herra Guðni Th. Jóhannesson. Hann naut leiðsagnar um háskólann undir stjórn Vilhjálms Egilssonar, rektors, og Þóris Páls Guðjónssonar, kennara við skólann til langs tíma.
Lesa meira
30. nóvember 2018
Stjórn Hollvinasjóðs færir háskólanum endurbætt listaverkið Lífsorku
Þann 30. nóvember 2018 komu stjórnarmenn úr Hollvinasjóði Bifrastar færandi hendi í heimsókn á Bifröst. Tilefnið var að „afhenda” skólanum, listaverk Ásmundar Sveinssonar, Lífsorku, eftir gagngera viðgerð.
Lesa meira
26. nóvember 2018
Ljósmyndasýningin Samvinnuhús opnuð á Bifröst
Á 100 ára afmæli Háskólans á Bifröst og fyrrum Samvinnuskóla, verður opnuð formlega þann 3. desember 2018 kl. 12:30, ljósmyndasýningin Samvinnuhús. Sýndar verða ljósmyndir, gamlar og nýjar af öllum húsum og byggingum, þar sem Samvinnuskólinn var til húsa fram að árinu 1982, bæði í Reykjavík og á Bifröst.
Lesa meira
19. nóvember 2018
Frábært tækifæri fyrir konur með viðskiptahugmynd
Máttur kvenna er 11 vikna námskeið fyrir konur sem vilja öðlast þekkingu og færni í rekstri fyrirtækja. Námið er haldið á vegum símenntunar Háskólans á Bifröst og hefur átt miklum vinsældum að fagna en nú hafa útskrifast um 1000 konur úr náminu.
Lesa meira
16. nóvember 2018
Opið er fyrir skráningar í diplómanám í viðskiptafræði og verslunarstjórnun.
Í upphafi árs 2018 var í fyrsta skipti boðið upp á nýtt nám í viðskiptafræði og verslunarstjórnun og hefur það fengið frábærar viðtökur. Nú hefur verið opnað fyrir skráningar að nýju og er umsóknarfrestur til 20. janúar 2019. Háskólinn á Bifröst og Háskólinn í Reykjavík bjóða sameiginlega upp á námið í samstarfi við Starfsmenntasjóð verslunar- og skrifstofufólks, Starfsmenntasjóð verslunarinnar, VR og Samtök verslunar og þjónustu.
Lesa meira
15. nóvember 2018
Lagadeild Bifrastar í alþjóðlegu samstarfi á sviði nýsköpunar
Helga Kristín Auðunsdóttir og Unnar Steinn Bjarndal, lektorar við félagsvísinda- og lagadeild Háskólans á Bifröst, heimsóttu nýverið lagadeild UCL háskólans í London og ræddu þar við Dr Önnu Donovan, sviðsstjóra lagadeildar skólans um aðferðir við nýsköpun í lögfræði. Ræddi teymið um stöðu nýsköpunar í heimi lögfræðinnar í dag og hvernig lagabreytingar geti laðað til sín nýsköpunarfyrirtæki á sviði lögfræði.
Lesa meira
9. nóvember 2018
Botninn sleginn í afmælisárið með veglegri hátíð á Bifröst
Í ár hefur því verið fagnað með ýmsu móti að 100 ár eru liðin frá að hornsteinn var lagður að skólastarfi við Háskólann á Bifröst en árið 1918 var stofnaður í Reykjavík Samvinnuskólinn sem Háskólinn á Bifröst á rætur sínar að rekja til. Starfsemi hófst í desember en skólasetningin hafði þá dregist nokkuð vegna spænsku veikinnar sem geisaði í Reykjavík.
Lesa meira
6. nóvember 2018
Frá Bifröst til New York
Sandra Ýr Pálsdóttir Zarabi lauk BS gráðu í viðskiptafræði með áherslu á markaðssamskipti frá Háskólanum á Bifröst í febrúar síðastliðnum og hlaut hæstu einkunn í grunnnámi við viðskiptadeild. Hún hefur nú hlotið inngöngu í meistaranám í samþættri markaðsstjórnun með áherslu á vörumerkjastjórnun við New York University.
Lesa meira
2. nóvember 2018
Ráðstefna um Norræna menningarstefnu á Bifröst
Norræna ráðstefnan um rannsóknir á menningarstefnu verður haldin við Háskólann á Bifröst í ágúst árið 2019. Þetta er í níunda sinn sem ráðstefnan er haldin en í fyrsta sinn á Íslandi. Þema ráðstefnunnar er menningarstefna á jaðrinum, jaðarmenning og álitamál henni tengd, til að mynda hvað teljist á jaðrinum í menningarstefnu og rannsóknum á menningarstefnu. Út frá þessu þema kynna fyrirlesarar á ráðstefnunni rannsóknir sínar tengdum Norrænni menningarstefnu frá margvíslegum sjónarhornum og út frá ólíkum nálgunum og aðferðafræði.
Lesa meira