Fréttir og tilkynningar

14. júní 2019

Samningur um innleiðingu Háskólans á Bifröst á Uglunni undirritaður

Í dag undirrituðu Vilhjálmur Egilsson, rektor Háskólans á Bifröst og Jón Atli Benediktsson, rektor Háskóla Íslands, samning milli skólanna þess efnis að Háskólinn á Bifröst mun innleiða tölvukerfið Ugluna sem er í eigu Háskóla Íslands. Vinna við innleiðingu á Uglunni er í fullum gangi og er stefnt að því að hún verði tekin í notkun í upphafi næsta skólaárs. Uglan hefur hingað til aðeins verið notuð sem megin tölvukerfi opinberu háskólanna og því eru þetta ákveðin tímamót.

Lesa meira

Nemendur í áfanganum Rekstraráætlanir, leiðbeinandi þeirra Ingólfur Arnarson og Guðmundur Sigvaldason

4. júní 2019

Tenging námsins við atvinnulífið endurspeglast í raunverulegum verkefnum

Eitt af einkennum skólans er mikil áhersla á vægi raunhæfra verkefna í námsleiðum nemenda. Liður í því eru áfangarnir Rekstraráætlanir I & II, þar er lögð áhersla á að þjálfa nemendur, bæði í viðskiptafræði og viðskiptalögfræði, í að vinna raunveruleg verkefni. Í samvinnu við fyrirtæki á Vesturlandi fá nemendur við skólann þjálfun í að beita sinni fræðilegu þekkingu til þess að leysa raunveruleg verkefni innan fyrirtækja í rauntíma. Síðastliðin sex ár hefur fjöldi fyrirtækja tekið þátt í verkefninu og veitt ótal nemendum raunverulega reynslu af atvinnulífinu. Verkefni áfanganna eru unnin í nánu samstarfi við fyrirtækin og undir handleiðslu leiðbeinenda sem hafa víðtæka þekkingu og reynslu af rekstri fyrirtækja.

Lesa meira

3. júní 2019

Nýtt viðskiptafræðinám með áherslu á verkefnastjórnun

Nú í haust hefst kennsla í nýrri áherslulínu í grunnnámi við viðskiptadeild skólans en það er viðskiptafræði með áherslu á verkefnastjórnun. Námið er svar við sífellt vaxandi kröfum atvinnulífsins um fagmennsku við að stýra og leiða fjölbreytt verkefni. Sérstaða námsins kemur fram í námskeiðum sem nýtast þeim sem vilja ná betri árangri við að leiða og stýra hinum ýmsu verkefnum. Sem dæmi um áfanga sem kenndir eru í línunni má nefna straumlínustjórnun, áhættustjórnun og grunn í verkefnastjórnun.

Lesa meira

29. maí 2019

Nýtt grunnnám í opinberri stjórnsýslu

Á komandi haustönn hefst kennsla í nýrri námslínu við félagsvísinda- og lagadeild skólans en það ...

Lesa meira

28. maí 2019

Misserisverkefni varpar ljósi á verðlagsbreytingar á eldsneytismarkaði

Missersiverkefni við skólann eru af ýmsum toga en þau eiga það flest sameiginlegt að fjalla um málefni sem standa samfélaginu nærri og skipta fólk máli. Verkefnið sem fékk hæstu einkunn í ár, og hlaut viðurkenningu fyrir, er þar engin undantekning. Hópurinn samanstóð af viðskiptafræðinemum og fjölluðu þau um ósamhverfa verðaðlögun á bensínmarkaði og hvaða áhrif koma Costco hefði haft. Meðlimir hópsins voru þau Ásmundur Ásmundsson, Bjarni Heiðar Halldórsson, Benedikt Svavarsson, Guðbjörg Anna Bragadóttir, Helga Sigurlína Halldórsdóttir og Viktor Örn Guðmundsson.

Lesa meira

24. maí 2019

Öflugt samstarf háskólanna um jafnrétti

Samráðsvettvangur jafnréttisfulltrúa háskólanna hittist á vinnufundum tvisvar á ári, en samstarfið hófst 2015.

Lesa meira

22. maí 2019

Misserisverkefni laganema vekur athygli hjá Samherja

Misserisverkefnin eru einn af hornsteinum grunnnámsins á Bifröst. Í þeim endurspeglast þau beinu tengsl við atvinnulífið sem námið hefur, náin vinna með kennurum og verkefnavinna með hóp fjölbreyttra einstaklinga. Eitt þeirra verkefna sem unnið var nú í vor, var rannsókn á valdheimildum Seðlabankans við gjaldeyriseftirlit og hvort hann hafi farið út fyrir þær við eftirlitið. Verkefnið hlaut hæstu einkunn verkefna á Félagsvísinda- og lagadeild og vakti sömuleiðis áhuga lögmanna í atvinnulífinu. Höfundar verkefnisins eru þau Ásta Karen Ágústsdóttir, Bergþór Bjarnason, Hafdís Jóhannsdóttir, Haukur Daði Guðmarsson og Kristófer Ari Te Maiharoa og Fróði Steingrímsson var leiðbeinandi þeirra. Við hittum þau Hafdísi og Kristófer og spurðum þau út í verkefnið og upplifun þeirra af misserisverkefnunum.

Lesa meira

Pétur ásamt dóttur sinni, Hafdísi við útskrift Péturs frá Háskólanum á BIfröst.

20. maí 2019

Nám í heimspeki, hagfræði og stjórnmálafræði opnar fleiri dyr en þú heldur

Pétur Steinn Pétursson útskrifaðist nú um áramótin úr heimspeki, hagfræði og stjórnmálafræði en hann fékk verðlaun fyrir hæstu einkunn útskriftarnema við Félagsvísinda- og lagadeild sem og að fá skólagjöld felld niður fjórum sinnum vegna framúrskarandi námsárangurs á námsferlinum. Pétur var nýverið tekinn inn í Kaupmannahafnarháskóla í meistaranám sem ber heitið IT and Cognition, en aðeins eru teknir um 30 einstaklingar inn í námið ár hvert og eru gerðar strangar kröfur fyrir inntöku. Námið snýr að samspili upplýsingatækninnar og huglægrar vitundar og skilnings.

Lesa meira