Vereðlaunahópinn á Missó 2023 skipuðu Björgvin Þór Þórarinsson, Embla Líf Hallsdóttir, Isabel Guðrún Gomez, Olga María Högnadóttir, Pétur Geir Grétarsson og Sigrún Ágústa Helgudóttir
17. maí 2023Sigurvegarar í Missó
Misserishópur R fór með sigur að hólmi á Missó 2023. Keppnin reyndist óvenjuhörð, en aðeins 0,1 stig skildi 1. og 2. sætið að.
Verðlaunahópinn skipuðu þau Björgvin Þór Þórarinsson, Embla Líf Hallsdóttir, Isabel Guðrún Gomez, Olga María Högnadóttir, Pétur Geir Grétarsson og Sigrún Ágústa Helgudóttir, en heiti verðlaunaverkefnisins var: Það er meira en að segja það: Hljóðmyndir vörumerkja á íslenskum markaði.
Leiðbeinandi var Ragnar Már Vilhjálmsson, en í umsögn um verkefnið segir m.a. að rannsókn á viðfangsefni verkefnisins, sem hafi lítt verið rannsakað hér á landi, hafi verið metnaðarfull. Verkefnið hafi jafnframt verið vel skrifað og framsett með góðri greiningu á niðurstöðum. Þá hafi framsögn hópsins verið vel framkvæmd.
Við óskum þessum glæsilega sigurhópi til hamingju með frábæran árangur.
Hvers vegna að velja Bifröst?
- Í fararbroddi í fjarnámi
- Allt námsefni aðgengilegt á netinu þegar þér hentar
- Skólinn kemur til þín og mætir þínum þörfum
- Sterk tengsl við atvinnulífið
- Persónuleg þjónusta