Frá Uppskeruhátíð meistaranema í gær (f.v.) Bergsveinn Þórsson, Kristín Eva Sveinsdóttir, Bjarney Lárudóttir Bjarnadóttir, Viðar Guðjohnsen og Helga Rós Einarsdóttir.

Magnaðar meistarakynningar

Meistaranemar kynntu rannsóknir lokaverkefna sinna á uppskeruhátíð meistaranema sem fram fór í gær í Veröld - húsi Vigdísar Finnbogadóttur.

Fundarstjóri var Bergsveinn Þórsson, dósent við félagsvísindadeild, en um skipulagningu kynningarinnar sá Helga Rós Einarsdóttir, náms- og starfsráðgjafi við Háskólann á Bifröst.

Að hverri kynningu lokinni voru fyrirspurnir og umræður og má segja að uppskeruhátíðin hafi á heildina litið ekki aðeins verið stútfull af nýjum og áhugaverðum fróðleik, heldur settu líflegar umræður ekki síður mark sitt á kynningarnar.

Við óskum meistaraefnunum til hamingju með vel heppnaða uppskeruhátíð og velfarnaðar í því sem þau taka sér fyrir hendur í framtíðinni. Meistaraefnin verða brautskráð frá Háskólanum á Bifröst á háskólahátíð í Hjálmakletti þann 15. júní nk.

Nánari upplýsingar um viðburðinn

Til baka