Viltu starfa í tónlistargeiranum? Nýtt örnám í tónlistarviðskiptum
Háskólinn á Bifröst og Listaháskóli Íslands bjóða nú upp á nýtt 12 ECTS örnám í tónlistarviðskiptum í fjarnámi. Kennsla fer fram á ensku, námið er fjarnám og er sveigjanlegt nám bæði fyrir þá sem vilja hefja háskólanám og þá sem starfa nú þegar í tónlistargeiranum og vilja ná sér í aukna þekkingu á sviði tónlistarviðskipta.
Námskeiðið sameinar fræðilega innsýn og hagnýta þekkingu. Þátttakendur fá aðgang að þekkingu og alþjóðlegu tengslaneti sem hjálpar þeim að aðlagast og vaxa í ört breytilegum heimi. Í náminu byggja nemendur upp góða verkfærakistu sem nýtist þeim í áframhaldandi námi og starfi.
Kennslan nær til þeirra þátta sem taka við þegar sköpunarferlinu lýkur; dreifingu, markaðssetningu, útgáfustjórnun, menningarstefnu, fjármögnunar, áhorfendaþróun og stafrænnar stefnumótunar.
Námið veitir góða innsýn fyrir listamenn sem vilja gefa út sjálfir og líka fyrir þá sem vilja vinna með listamönnum, stýra verkefnum, leiða markaðs- eða útgáfustarf, eða skilja betur viðskipta- og rekstrarhlið tónlistar.
Umsóknarfrestur er til 5. janúar 2026. Kennsla hefst svo 6. janúar 2026 og er örnámið kennt í þremur námskeiðum á vorönn 2026.
Verð: Verð: 150.000 ISK (u.þ.b. €1.020 / £880 / US$1.180)
Skráning og frekari upplýsingar: https://www.bifrost.is/namid/endurmenntun/music-business
Eða hafðu samband við endurmenntun Háskólans á Bifröst, netfangið: endurmenntun@bifrost.is
Hér er hlekkur á kynningarmyndband fyrir örnámið þar sem kennarar námslínunnar segja okkur allt um námið og hvað það snýst um
Hvers vegna að velja Bifröst?
- Í fararbroddi í fjarnámi
- Allt námsefni aðgengilegt á netinu þegar þér hentar
- Skólinn kemur til þín og mætir þínum þörfum
- Sterk tengsl við atvinnulífið
- Persónuleg þjónusta