30. apríl 2018

Umsjón nemendaskrár- og kennslukerfis, laust starf frá 1. ágúst

Umsjón kennslukerfis

Við auglýsum eftir lausnamiðuðum einstaklingi sem hefur mikla og góða þjónustulund og er jafnframt menntaður eða með reynslu á sviði upplýsingatækni. Um er að ræða tímabundna ráðningu í starf á kennslusviði skólans, til eins árs í fullt starf frá og með 1. ágúst nk.

Helstu verkefni og ábyrgð

Ábyrgð og dagleg umsjón nemendaskrár og kennslukerfis. Aðstoð og ráðgjöf vegna notkunar og vinnu í rafrænu kennsluumhverfi skólans við kennara, nemendur og starfsfólk. Tæknileg aðstoð vegna próftöku nemenda. Umsjón með kennsluumhverfi í kennslurýmum skólans.  Kennsla og þjálfun kennara og nemenda á kennslukerfi.

Hæfni og menntunarkröfur

Stúdentspróf að lágmarki

BS í tölvunarfræði er æskileg eða sambærileg menntun eða þekking á sviði upplýsingatækni

Starfsreynsla úr háskólaumhverfi er kostur

Góð færni í mannlegum samskiptum og þolinmæði

Sjálfstæð vinnubrögð og frumkvæði.

 

Með umsókn þarf að fylgja afrit prófskírteina.

Karlar jafnt sem konur eru hvött til að sækja um starfið. Búseta á Bifröst eða í Borgarfirði er æskileg.

Umsóknarfrestur er til og með 22. maí nk. Umsóknir og fyrirspurnir um starfið skal senda á netfangið kennslustjori@bifrost.is.

 

 

Til baka