Áhugavert málþing fyrir þá sem vilja fylgjast með umræðunni um gervigreind og höfundarrétt.

25. ágúst 2023

Tíminn líður hratt á gervihnattaöld

Gervigreind hefur verið í umræðunni um árabil og reglulega berast fregnir af framþróun og aukinni útbreiðslu hennar hvarvetna. Sér í lagi hefur listsköpun verið í kastljósinu undanfarið, eftir því sem tækni hefur fleygt fram og notkun gervigreindar aukist hröðum skrefum á hinum ýmsu sviðum skapandi greina. 

Samhliða þessu hafa eðlilega vaknað áleitnar spurningar, einkum varðandi hagnýtingu og höfundarétt varnings og verka sem til verða með atfylgi eða milligöngu gervigreindar, m.a. með hliðsjón af listaverkum sem notuð eru til „þjálfunar“ gervigreindar. 

Þann 29. september n.k. verður haldið málþing um gervigreind og höfundarétt. Verður þar boðið upp á fyrirlestra og hringborðsumræður með kunnáttufólki á sviðum tækni, fræða, lista og laga.

Markmið málþingsins er að varpa fram spurningum og fræðast um möguleg framtíðaráhrif hennar á skapandi greinar. 

Á meðal frummælenda er Hanna Kristín Skaftadóttir, aðjunkt við viðskiptadeild Háskólans á Bifröst, en hún er á meðal þeirra sem standa fremst í gervigreindarfræðum hér á landi.

Eftirfarandi samtök og stofnanir standa að málþinginu: STEF, Myndstef, Rithöfundasambandið, Hagþenkir, Blaðamannafélagið, Félag leikstjóra á Íslandi, Samtök kvikmyndaleikstjóra, Félag kvikmyndagerðarmanna, Félag leikskálda og handritshöfunda, Listaháskóli Íslands og Háskólinn á Bifröst. 

Miðaverði er stillt í hóf, er aðeins kr. 2.500. 

Hér má sjá dagskrá málþingsins 

Kaupa miða

Til baka