F.v. Stefán Guðjónsson, ræðismaður Bangladesh á Íslandi, Shahidul Karim, sendiherra Bangladesh á Íslandi, Bjarni Már Magnússon, deildarforseti lagadeildar og aðstoðarmaður sendiherrans, Md. Mehebub Zaman.

Sendiherra Bangladesh í heimsókn

Sendiherra Bangladesh sótti ásamt föruneyti Háskólann á Bifröst heim til að kynna sér starfsemi háskólans.

Með sendiherranum í för var aðstoðarmaður hans og Stefán Guðjónsson, ræðismaður Bangladesh á Íslandi, en sendiherrann er með aðsetur í Kaupmannahöfn.

Bjarni Már Magnússon, prófessor og deildarforseti lagadeildar veitti af hálfu Háskólans á Bifröst sendiherranum móttöku í starfsstöð HB í Borgartúni í Reykjavík. 

Þess má svo geta að af hálfu Háskólans á Bifröst réði tilviljun e.t.v. ekki fullkomlega för í móttökunni, en Bjarni var þátttakandi í úrlausn milliríkjadeilna Bangladesh og Myanmar sem fóru á sínum tíma fyrir Alþjóðlega hafréttardómstólinn í Hamborg.

Til baka