Ljósmynd: Ragnar Visage

QUACK rafplata ársins á Íslensku tónlistarverðlaununum

Gugusar hlaut Íslensku tónlistarverðlaunin fyrir plötu ársins í raftónlist sem afhent voru í gærkvöldi. Gugusar, öðru nafni Guðlaug Sóley Höskuldsdóttir, er nemandi í skapandi greinum við Háskólann á Bifröst. 

Verðlaunin hlaut hún fyrir plötu sína QUACK, sem er þriðja plata hennar. Platan hefur vakið athygli fyrir frumlega nálgun og persónulegan hljóðheim innan raftónlistar og fest Gugusar enn frekar í sessi sem áhugaverðan listamann á íslenskri tónlistarsenu.

Fyrri plötur hennar eru 12:48, sem kom út árið 2022, og Listen to This Twice, sem kom út árið 2020.

Háskólinn á Bifröst óskar Guðlaugu Sóleyju innilega til hamingju með verðlaunin og óskar henni áframhaldandi velgengni á tónlistarferlinum.

Til baka