Nýtt meistaranám í fjármálastjórnun

Háskólinn á Bifröst býður nú í fyrsta sinn upp á sérhæft meistaranám í fjármálastjórnun (MSc/MFM) sem hefst haustið 2026. Námið er hannað til að mæta vaxandi kröfum atvinnulífsins um dýpri skilning á fjárhagslegri ákvarðanatöku og verðmætasköpun. Boðið er upp á tvær leiðir: annars vegar 120 eininga MSc-gráðu og hins vegar 90 eininga MFM-gráðu.

Í náminu er lögð áhersla á að nemendur öðlist hagnýta færni í greiningu ársreikninga, fjárfestingum, áhættustýringu og stefnumótun. Markmiðið er að útskrifa sérfræðinga með djúpan skilning á greiningu fjármála og stefnumótun.

Sveigjanleiki í fjarnámi

Bifröst hefur lengi verið í fararbroddi í fjarnámi. Námið er skipulagt í 7 vikna lotum þar sem fyrirlestrar og efni eru aðgengileg á netinu. Þrátt fyrir að um fjarnám sé að ræða er lögð rík áhersla á samfélag nemenda.

• Staðlotur: Nemendur koma saman á Hvanneyri eða í Borgarnesi í hverju námskeiði til að vinna að hópverkefnum og byggja upp tengslanet.
• Teymisvinna: Lögð er áhersla á að nemendur læri hver af öðrum, en leitað er eftir umsækjendum með fjölbreyttan bakgrunn.

Takmarkaður fjöldi nemenda

Vegna gæðakrafna er fjöldi nemenda takmarkaður við 40 manns á skólaárinu 2026-2027. Inntökuskilyrði eru að jafnaði grunngráða í viðskiptafræði, hagfræði eða STEM-greinum með fyrstu einkunn (7,25).

Þetta er kjörið tækifæri fyrir þá sem stefna á störf í rekstri, fjármálum eða ráðgjöf, jafnt hérlendis sem á alþjóðlegum vettvangi.

Helstu upplýsingar:

• Umsóknarfrestur: Til og með 5. júní 2026.
• Námstími: Hefst haustið 2026.
• Námsleiðir: 120 eininga MSc eða 90 eininga MFM.
• Fyrir hverja: Fólk með grunngráðu sem vill sérhæfa sig í fjármálum og stefnumótun.

Áhugasamir geta kynnt sér námið nánar og sótt um hér á vef Háskólans á Bifröst.

Til baka