Ný stjórn Háskólans á Bifröst hefur tekið til starfa. Stjórnarformaður er Árni Magnússon, forstjóri Isor og fyrrverandi félagsmálaráðherra. Hann kemur inn í stjórn sem fulltrúi Hollvinasamtakanna og tekur hann við formennsku af Ársæli Harðarsyni.

Stjórn Háskólans á Bifröst er skipuð fimm einstaklingum tilnefndum til tveggja ára í senn. Eftirtaldir aðilar skipa sinn fulltrúa í stjórn háskólans: Borgarbyggð, Háskólaráð Háskólans á Bifröst, Hollvinasamtök Bifrastar, Samband íslenskra samvinnufélaga og Samtök atvinnulífsins. Þrír nýir stjórnarmenn koma inn í stjórn að þessu sinni, en það eru fulltrúar Hollvinasamtakanna, Borgarbyggðar og Háskólaráðs. 

Háskólinn á Bifröst býður nýja stjórn háskólans velkomna til starfa.