Kall eftir greinum: Öryggi og jaðarsvæði Evrópu

Magnús Skjöld, prófessor við Háskólann á Bifröst, er einn af ritstjórum nýs sérheftis í alþjóðlega ritrýnda tímaritinu Frontiers in Political Science. Sérheftið ber heitið Peripheral Frontiers: Security, Vulnerability, and Geopolitical Agency at Europe’s Edges og er hluti af Jean Monnet Chair rannsóknarverkefni Magnúsar.

Kallað er eftir fræðigreinum í sérheftið sem byggir á rannsóknum á jaðarsvæðum Evrópu, þar sem öryggisógnir, geopólitísk spenna og stefnumótandi áskoranir koma oft fyrst fram og með sérstökum hætti. Þar má nefna Norðurslóðir og Norður-Atlantshaf, Svartahafssvæðið, Vestur-Balkanskaga og önnur svæði á jaðri evrópskrar öryggis- og utanríkisstefnu.

Sérstaklega er kallað er eftir efni frá fræðimönnum og starfandi sérfræðingum sem vinna að rannsóknum á smáríkjum, hybrid-ógnum, innviðaöryggi, aðgreindri samþættingu, bandalagsstjórnmálum og tengdum viðfangsefnum. Sérheftið er ætlað fræðimönnum jafnt sem sérfræðingum og starfandi fagfólki á sviði alþjóðasamskipta, stjórnmálafræði, öryggisfræða og evrópskra mála.

Skilafrestir:

• Útdrættir (abstract): 5. maí 2026

• Lokaskil: 23. ágúst 2026

Nánari upplýsingar um sérheftið, áherslur þess og leiðbeiningar um innsendingar má finna á vef tímaritsins.

Til baka