IN SITU lokaráðstefna - ekki gleyma að tryggja þér sæti!

Skráningu á lokaráðstefnu IN SITU lýkur 13. apríl – ekki gleyma að tryggja þér sæti!

Lokaráðstefnan IN SITU – “Culture Matters Here. Cultivating Creative Place-based Innovation in Non-urban Communities” fer fram í Valmiera í Lettlandi dagana 11.–13. maí 2026.

IN SITU er fjögurra ára rannsóknarverkefni sem Háskólinn á Bifröst er samstarfsaðili að ásamt 12 öðrum evrópskum háskólum og rannsóknastofnunum. Rannsóknin hefur beinst að því að skoða áhrif menningar og skapandi greina á nýsköpun í landsbyggðum. Anna Hildur Hildibrandsdóttir hefur farið fyrir verkefninu fyrir hönd Háskólans á Bifröst ásamt Ernu Kaaber, aðalrannsakanda í íslenska hluta þess.

Ráðstefnan er opin öllum og þátttaka er ekki bundin við fyrirlesara. Fólk úr ólíkum geirum er hvatt til að taka þátt í umræðum, mynda tengsl við alþjóðlega samstarfsaðila og kynnast rannsóknum og starfsháttum sem móta skapandi vistkerfi utan þéttbýlis.

Ráðstefnan er haldin innan ramma verkefnisins IN SITU – Place-based Innovation of Cultural and Creative Industries in Non-urban Areas og verður vettvangur fyrir lifandi umræðu um nýjustu rannsóknir og starfshætti á sviði staðbundinnar nýsköpunar og skapandi greina í dreifbýli.

Hún er skipulögð af Lettneska menningarháskólanum og Rannsóknamiðstöð félagsvísinda við Háskólann í Coimbra í samstarfi við European Network of Cultural Centres, Culture Action Europe og alla samstarfsaðila IN SITU verkefnisins, ásamt staðbundnum samstarfsaðilum, sveitarfélaginu Valmiera og Vidzeme University of Applied Sciences. Verkefnið nýtur stuðnings úr Horizon Europe rannsóknar- og nýsköpunaráætlun Evrópusambandsins (samningsnúmer 101061747).

Dagskráin verður fjölbreytt og inniheldur erindi, kynningar, lykilfyrirlestra og sameiginlegar umræður um ný viðfangsefni á þessu sviði. Þá verða einnig vettvangsferðir þar sem gestir kynnast líflegu menningarlífi og skapandi starfi í Valmiera, auk óformlegra samverustunda sem skapa tækifæri til tengslamyndunar. Allir dagskrárliðir eru innifaldir í skráningargjaldi.

Ráðstefnan býður upp á þrjá daga af miðlun, nýrri innsýn og alþjóðlegum tengslum.

Skráning, dagskrá og nánari upplýsingar er að finna hér 

Til að senda fyrirspurn smelltu hér 

Til baka