Hlýtur framgang í stöðu dósents

Dr. Haukur Logi Karlsson hefur hlotið framgang í stöðu dósents við lagadeild Háskólans á Bifröst samkvæmt niðurstöðu ytri dómnefndar, en hana skipuðu Dr. Ólafur Þ. Harðarson, prófessor emeritus við stjórnmálafræðideild HÍ; Benedikt Bogason, prófessor við lagadeild HÍ, og Dr. Margrét Sigrún Sigurðardóttir, dósent við viðskiptafræðideild HÍ.

Haukur Logi hefur starfað við bæði kennslu og rannsóknir við Háskólann á Bifröst frá miðju síðasta ári, er hann var skipaður lektor við lagadeildina. Rannsóksóknarsvið hans falla undir samkeppnisrétt, Evrópurétt, stjórnskipunarrétt og réttarfar.

Haukur lauk BA gráðu árið 2006 og ML gráðu árið 2008 frá Háskólanum í Reykjavík. Hann lauk LLM gráðu í Evrópurétti frá Stockholms universitet árið 2009, LLM gráðu með áherslu á réttarheimspeki árið 2013 frá European University Institute í Flórens á Ítalíu og doktorsgráðu í samkeppnisrétti frá sama skóla árið 2017.

Haukur hefur sinnt kennslu í Evrópurétti við Háskóla Íslands og kennslu í Evrópurétti og réttarheimsspeki við Háskólann í Reykjavík. Hann starfaði sem lögfræðingur hjá Eftirlitsstofnun EFTA í Brussel 2009 til 2012, hjá EFTA dómsstólunum í Lúxemborg árið 2016 og hjá Úrskurðarnefnd umhverfis- og auðlindamála á árunum 2017 og 2018.

Þá starfaði Haukur við rannsóknir og kennslu við lagadeild HR 2018 til 2021 og við rannsóknir við lagadeild HÍ frá árinu 2021.

Eru Hauki færðar innilegar hamingjuóskir með framganginn.

Til baka