BS nám með áherslu á fjármálastjórnun er sérhæft viðskiptafræðinám, sniðið að þörfum þeirra sem vilja auka við þekkingu sína, leikni og hæfni á sviði fjármálastjórnunar.
Fjármálastjórnun er ein af átta mögulegum leiðum til sérhæfingar í viðskiptafræðináminu, en hver nemandi getur valið um allt að hafa allt að tvær áherslur í BS námi sínu.
Námið er sérstaklega sniðið að þörfum þeirra, sem starfa eða stefna að því að starfa hjá fjármáladeildum fyrirtækja, stofnana eða annarra skipulagsheilda. Þá er lögð áhersla á sérhæfða þekkingu og færni í fjármálastjórnun með hliðsjón af nýjustu þróun á fjármálamörkuðum.
Sérstök áhersla er lögð á, að nemendur öðlist reynslu og hæfni til þess að nýta þekkingu sína á hagnýtan hátt. Kennarar eru sérfræðingar á sviði fjármála og með mikla reynslu.
Sérhæfing kemur fram í eftirfarandi skyldunámskeiðum:
- Kostnaðarbókhald
- Fjármál II
- Stjórnunarbókhald
- Fjármál og fjármálamarkaðir
-
Nám í viðskiptafræði á Bifröst
Markmiðið með grunnnámi í viðskiptafræði við Háskólann á Bifröst er að gera nemendum kleift að nýta frumkvæði sitt og sjálfstæði til aukinna áhrifa og ábyrgðarstarfa.
Námið miðar að því að nemendur afli sér þekkingar og færni á sviði viðskipta auk þess að vinna að raunverulegum verkefnum. Fræðilegi hluti Þess felur í sér skilning á fræðilegri greiningu og kenningum og hæfni til að vinna með þær. Þverfagleg nálgun miðar svo að því að efla gagnrýna og skapandi hugsun, atvinnulífi og samfélagi til góða.
-
Umsóknarfrestur
Opið er fyrir umsóknir um nám við Háskólann á Bifröst vegna haustannar 2024 til og með 5. júní nk.
-
Inntökuskilyrði
Til að geta innritast í námið þurfa nemendur að hafa lokið stúdentsprófi eða sambærilegri menntun t.d. úr Háskólagátt Háskólans á Bifröst.
Forgangsröðun við inntöku nemenda ræðst af einkunnum.