Fréttir og tilkynningar
10. janúar 2018
Breyttur viðtalstími náms- starfsráðgjafa
Náms- og starfsráðgjafi Háskólans á Bifröst er Halldóra Lóa Þorvaldsdóttir og býður hún upp á viðtöl á miðvikudögum, fimmtudögum og föstudögum frá kl. 8 – 15. Náms- og starfsráðgjöf Háskólans á Bifröst er staðsett á fyrstu hæð í húsnæði skólans, Hamragörðum. Einnig er boðið upp á viðtöl á starfstöð Háskólans á Bifröst að Suðurlandsbraut 22 á fyrirfram auglýstum dagsetningum.
Lesa meira
9. janúar 2018
Fjölbreyttur hópur skiptinema á vorönn 2018
Á hverju ári sækist hópur skiptinema víðsvegar um heim eftir því að stunda skiptinám við Háskólann á Bifröst. Skiptinemar nú á vorönn eru 30 talsins og koma þeir m.a. frá Bangladesh, Japan, Suður Kóreu, Þýskalandi, Frakklandi, Taiwan, Mexico og Canada. Þetta er því mjög fjölbreyttur hópur að þessu sinni og margir nemarnir langt frá heimabyggð. Skiptinemarnir hræðast greinilega hvorki myrkur eða kalt veður en þeir eru þegar farnir að ferðast um héraðið og skoða náttúrfegurð Íslands í vetrarbúningnum.
Lesa meira
8. janúar 2018
Nýr starfsmaður við þróunar- og alþjóðasvið
Lara Pázmándi hefur verið ráðin við alþjóða- og þróunarsvið Háskólans á Bifröst. Hún hefur störf núna um áramótin og mun starfa með Karli Eiríkssyni alþjóðafulltrúa háskólans. Lara mun meðal annars sinna samskiptum við skiptinema, starfsmannaskiptum, fyrirspurnum um nám og aðstoða við ýmis önnur verkefni.
Lesa meira
3. janúar 2018
Góð aðsókn í nám á vorönn við Háskólann á Bifröst
Mjög góð aðsókn er í nám á vorönn 2018 við Háskólann á Bifröst en ríflega hundrað umsóknir hafa borist. Formlegum umsóknarfresti lauk þann 10. desember síðastliðinn en umsóknir eru enn að berast skólanum og farið verður yfir þær allar. Mest aukning er á umsóknum í meistaranám en búast má við töluvert fleiri innritunum nú á vorönn en á sama tíma fyrir ári síðan.
Lesa meira
15. desember 2017
Útskrift úr Mætti kvenna
Þann 14. desember síðastliðinn útskrifuðust 30 konur úr Mætti kvenna. Um er að ræða 11 vikna nám fyrir konur sem vilja öðlast þekkingu og færni í rekstri fyrirtækja. Hefur námið átt miklum vinsældum að fagna allt frá árinu 2004 og hafa nú rúmlega 900 konur útskrifast úr náminu.
Lesa meira
13. desember 2017
Rektor heimsækir samstarfsskóla í Istanbul
Vilhjálmur Egilsson rektor Háskólans á Bifröst heimsótti nýverið Istanbul Aydin háskólann í Istanbul en er hann einn af fjölmörgum samstarfsskólum háskólans. Þar fundaði rektor með aðstandendum háskólans og ræddir voru mögulegir samstarfsfletir á milli háskólanna tveggja.
Lesa meira
8. desember 2017
Forseti viðskiptadeildar rannsakar þjónandi forystu
Sigurður Ragnarsson, forseti viðskiptadeildar við Háskólann á Bifröst, rannsakar nú hvernig þjónandi forysta er iðkuð í þremur bandarískum fyrirtækjum sem þekkt eru fyrir að stunda þjónandi forystu með árangursríkum hætti.
Eitt af þeim fyrirtækjum sem Sigurður hefur heimsótt og rannsakað er TDindustries í Texas en þar tók hann viðtöl við bæði stjórnendur og starfsfólk ásamt því að framkvæma þátttökuathugun. TDindustries er verktaka- og byggingarfyrirtæki sem er afar farsælt og hefur verið á Fortune listanum yfir þau fyrirtæki sem þykir best að starfa fyrir, í tuttugu ár samfleytt.
8. desember 2017
Nýtt diplómanám í viðskiptafræði og verslunarstjórnun
Háskólinn á Bifröst býður nú í fyrsta skipti upp á diplómanám í viðskiptafræði og verslunarstjórnun í samstarfi við Háskólann í Reykjavík, Starfsmenntasjóð verslunar- og skrifstofufólks og Starfsmenntasjóð Verslunarinnar. Um er að ræða starfstengt fagháskólanám fyrir verslunarstjóra og einstaklinga með víðtæka reynslu af verslunarstörfum.
Lesa meira
5. desember 2017
Yfirlýsing Háskólaráðs Háskólans á Bifröst vegna kynbundins ofbeldis í háskólasamfélaginu
Kynbundið ofbeldi er ólíðandi í háskólum sem annars staðar í samfélaginu. Háskólinn á Bifröst vill ekki þola kynbundið ofbeldi í skólastarfinu, hvort heldur er meðal starfsfólks skólans eða nemenda. Þetta er áréttað í ljósi hinnar miklu umræðu sem hefur verið um kynbundið ofbeldi að undanförnu og í framhaldi af áskorun 348 háskólakvenna hinn 1. desember sl. til háskóla, þekkingarstofnana og fyrirtækja. Þar lýsa þær reynslu sinni af misbeitingu valds, áreitni, niðurlægingu, lítilsvirðingu og annars konar ofbeldi þar sem valdaójafnvægi er beitt sem stjórnunar- og þöggunartæki.
Lesa meira