Rannsóknasetur í byggða- og sveitarstjórnarmálum

Rannsóknasetur í byggða- og sveitarstjórnarmálum var stofnað í ársbyrjun 2023 þegar gerður var samningur við innviðaráðuneytið með það að markmiði að efla fræðilegar og hagnýtar rannsóknir í málaflokknum. Ráðuneytið getur óskað eftir því að setrið taki að sér að vinna verkefni sem falla undir markmið samningsins en forgangsröð verkefna er að öðru leyti unnin í samráði við ráðgjafanefnd setursins.

Hlutverk setursins er að efla jákvæða byggðaþróun og styrkja sveitarstjórnarstigið á Íslandi með markvissum rannsóknum sem stuðla að hlutlægri og faglegri umræðu og leiða til betri stefnumótunar og ákvarðanatöku. Meðal rannsóknasviða setursins eru búsetukostir, búsetuskilyrði og þróun byggðar í landinu. Einnig hlutverk og rekstur sveitarstjórnarstigsins og íslenskur vinnu- og fasteignamarkaður.

Dr. Vífill Karlsson prófessor leiðir rannsóknastarfið en hjá setrinu starfa einnig dr. Gréta Bergrún Jóhannesdóttir sem sérfræðingur og Stefán V. Kalmansson verkefnastjóri. 

Nánari upplýsingar um starfsemi rannsóknasetursins veitir dr. Vífill Karlsson.

Nýjustu rannsóknirnar

Fréttir



28. október 2025

Nora heimsókn 

Við hjá Rannsóknasetri í byggða og sveitastjórnarmálum fengum Ernst Sumberg Olsen ráðgjafa frá NORA í heimsókn og sátum fund með honum ásamt nokkrum starfsmönnum Háskólans á Bifröst. Hann kynnti okkur hverskonar verkefni NORA styrkir. NORA er ætlað að styrkja verkefni minnst tveggja þátttakenda frá minnst tveimur löndum af fjórum: Íslandi, Grænlandi, Færeyjum og Noregi.

29. september 2025

Hvað ef ég vil vera hér!

Í vikunni var haldið vel heppnað málþing á Höfn í Hornafirði um byggðafestu ungs fólk, sem bar yfirskriftina “Hvað ef ég vil vera hér”. Þar kynnti Gréta Bergrún verkefni Rannsóknarsetursins í byggða- og sveitarstjórnarmálum um byggðabrag unga fólksins, auk þess að fjalla um slúður og náin samfélög.
Lesa frétt

15. septmber 2025

Orlofshús í þéttbýli

Í sumar kom út grein frá Rannsóknasetri í byggða- og sveitarstjórnarmálum í bókinni Rannsóknir í viðskiptafræði V. Hún bar titilinn: Orlofshús í þéttbýli. Höfundar eru Vífill Karlsson, Bjarki Þór Grönfeldt og Stefán Kalmansson. Þar er greint frá rannsókn á því hversu ánægðir íbúar sem búa allt árið um kring á stöðum víða um land (staðbúar) yrðu með frekari fjölgun orlofsíbúða (e. second homes) í sínu þéttbýli og hvort helstu atvinnugreinar staðanna hafi þar áhrif. 
Lesa frétt

Ráðgjafanefnd

Ráðgjafarnefnd setursins er skipuð fimm fulltrúum 

Eldri rannsóknir