Gréta Bergrún Jóhannesdóttir leiðir rannsóknina.

Byggðabragur í Vesturbyggð

Samningur hefur verið undirritaður á milli Rannsóknarseturs í byggða- og sveitarstjórnarmálum, Háskólans á Bifröst og Fjórðungssambands Vestfjarða um rannsókn á áskorunum og tækifærum í nýsameinuðu sveitarfélagi Vesturbyggðar, eftir sameiningu Vesturbyggðar og Tálknafjarðarhrepps.

Gréta Bergrún, sérfræðingur við rannsóknarsetrið, mun leiða rannsóknina. Hún felur meðal annars í sér viðtalsferð á Vestfirði, netkönnun meðal íbúa og söfnun annarra gagna.

Rannsóknin er hluti af verkefni Fjórðungssambands Vestfjarða sem hlaut styrk úr sóknaráætlunum. Markmið hennar er að varpa ljósi á byggðabrag, sjálfsmynd íbúa og ímynd hins nýja sveitarfélags.

Verkefnið er að einhverju leyti sambærilegt við fyrri kannanir Rannsóknarsetursins á byggðabrag sveitarfélaga. Niðurstöður rannsóknarinnar munu liggja fyrir í apríl.

Þetta er spennandi verkefni og mikilvægt samstarf við Vestfirðinga

Til baka