15. maí 2025

Ísland og norðurslóðir í nýjum heimi - Ráðstefna

Ísland og Norðurslóðir í nýjum heimi – Ógnir og öryggi, áskoranir og tækifæri 

Fimmtudaginn 15. maí 2025 stendur Félagsvísindadeild Háskólans á Bifröst fyrir ráðstefnu um málefnið í Norræna húsinu í Reykjavík frá kl. 9:30 til 16:00. 

-Skráning fer fram hér- 

Dagskrá ráðstefnunnar má finna hér

Aukinn áhugi Bandaríkjanna á landsvæðum Norðurslóða eins og Kanada og Grænlandi, hefur breytt heimsmyndinni umtalsvert á skömmum tíma, ekki síst hér á Norðurslóðum. Sú breytta sýn á stöðu svæðisins í alþjóðasamfélaginu krefst endurmats á stefnumótun Norðurslóðasamfélaga í öryggis- og varnarmálum. Kemur þar margt til álita sem lýtur að lífsháttum, almannaheill, umhverfisþáttum og fleiru. 

• Hvernig bregðast Norðurslóðaríkin við í þessum aðstæðum?  

• Hver er staða okkar í þessari breyttu heimsmynd?  

• Hvaða skref er farsælast fyrir okkur að stíga?  

• Hvernig getur vísinda- og háskólasamfélagið á Norðurslóðum komið að gagni?   

Meðal annars verður rætt um netógnir og umhverfishættur, öryggisskipulagningu og ákvarðanatöku, viðbúnað og hugsanlega aukna hernaðarviðveru. Fyrirlesarar koma úr ýmsum áttum, en á meðal þeirra eru:

• Sigríður Björk Guðjónsdóttir, ríkislögreglustjóri. 

• Auðunn Kristinsson, framkvæmdastjóri stefnumörkunar, áætlana og þróunar aðgerða hjá Landhelgisgæslunni.  

• Dr. Bjarni Már Magnússon, prófessor og deildarforseti lagadeildar við Háskólann á Bifröst. 

• Dr. Eiríkur Bergmann, prófessor og stjórnmálafræðingur við Háskólann á Bifröst.  

• Dr. Gregory Falco, dósent við Cornell University og stundakennari við Háskólann á Bifröst.  

• Dr. Magnús Árni Skjöld, dósent og stjórnmálafræðingur við Háskólann á Bifröst.  

• Nathan Stackhouse, MA Norðurslóðasérfræðingur og yfirmaður öryggismála hjá Bandaríska flughernum.  

• Dr. Rachael Lorna Johnstone, prófessor við Lagadeild HA og þátttakandi í Fulbright Arctic Initiative. 

Margrét Jónsdóttir Njarðvík, rektor Háskólans á Bifröst, stýrir pallborði I - Hlutverk og möguleikar vísindasamfélags og þekkingarsköpunar í harðnandi heimsmynd. 

Bogi Ágústsson, fyrrverandi fréttastjóri, stýrir pallborði II - Pólitískt umhverfi, öryggis- og varnarmál Norðurslóða. 

Dr. Ólína Kjerúlf Þorvarðardóttir, prófessor og deildarforseti Félagsvísindadeildar Háskólans á Bifröst er ráðstefnustjóri.  

Þátttökugjald er 5.000 kr. Athugið að takmarkaður sætafjöldi er í boði. Viðburðurinn fer að mestu fram á íslensku og verður honum jafnframt streymt í beinni útsendingu. Boðið verður upp á hádegissnarl, drykki og léttar veitingar í lok ráðstefnudags. Við hvetjum allt áhugafólk um málefnið til þátttöku.

Til baka