Svipmynd af einni af staðlotum síðasta árs.

Frábær staðlota framundan

Svo til allar stofur á Bifröst eru þéttbókaðar ýmist vegna staðlotu meistaranema 24. til 26. mars eða staðlotu háskólagáttar, sem stendur yfir 25. og 26. nk.

Af áhugaverðum fyrirlestrum má nefna kenningar í leiðtogafræðum á vegum Haraldar Daða Ragnarssonar, lektors við viðskiptadeild og samþætt markaðssamskipti hjá Ragnari Má  Vilhjálmssyni, aðjúnkt.

Þá verður Sigrún  Lilja Einarsdóttir með fyrirlestur í menningarfræði samtímans og að sjálfsögðu eru klassískir kúrsar einnig á sínum stað eins og aðferðafræði með Láru Wilhelmine Hoffman.

Minna má svo á að heiðursgestur í hátíðarkvöldverðinum er enginn annar en Tyrfingur Tyrfingsson, eitt umtalaðasta og þekktasta leikritaskáld okkar Íslendinga í dag. Veislustjóri er Njörður Sigurjónsson, prófessor í menningarstjórnun og geta veislugestir farið að hlakka til þessarar einstöku kvöldstundar í góðra vina hópi.

Ef þú hefur enn ekki tryggt þér miða á hátíðarkvöldverðinn smelltu hér

Til baka