Nýnemar

Háskólinn á Bifröst er persónulegur háskóli þar sem er lagður metnaður í að bjóða nemendum góða og persónulega þjónustu. Hér er að finna hagnýtar upplýsingar fyrir nemendur við Háskólann á Bifröst.

Umsækjendur geta fylgst með stöðu umsóknar sinnar með því að smella hér.

Hagnýtar upplýsingar við upphaf náms

Nemendur fá úthlutað auðkenni og lykilorði til þess að komast inn á kennslukerfið, Ugluna, og vefpóstinn. Nemandi getur sótt þessar upplýsingar hér þegar staðfestingargjald vegna námsins hefur verið greitt. Við greiðslu staðfestingargjalds er litið svo á að nemandi hyggist hefja nám við Háskólann á Bifröst á næstu önn og er staðfestingargjaldið síðar dregið frá upphæð skólagjalda.

Nýnemar skrá sig sjálfir í námskeið í Uglunni á fyrstu önninni. Námskeiðsframboð og skipulag næstu annar er að finna á heimasíðu skólans undir „Þjónusta – Nemendaskrá“.

Námsskrá og yfirlit yfir námsskipulag hverrar námsleiðar er að finna á heimasíðu skólans undir hverju sviði fyrir sig.

Bókalistar birtast á innri vef skólans fyrir hvern og einn nemanda miðað við skráningar hans í námskeið.

Undirbúningur fyrir nám á Bifröst

Til þess að fá tilfinningu fyrir því sem koma skal mælum við með því að þið skoðið á kynningarmyndbandið okkar um það hvernig eigi að undribúa sig fyrir nám við Háskólann á Bifröst.

Helstu tengiliðir nemenda:

Við Háskólann á Bifröst er starfandi náms- og starfsráðgjafi sem sinnir ráðgjöf um námstækni, námsleiðir og námsframvindu. Náms- og starfsráðgjafi veitir nemendum jafnframt stuðning í námi og/eða varðandi persónuleg málefni. Hér er að finna upplýsingar um viðtalstíma náms- og starfsráðgjafar.

Nemendaskrá tekur á móti skráningu í og úr námskeiðum og veitir ráðgjöf um skipulag náms, framvindu þess og val á námskeiðum.

Prófstjóri sér um utanumhald prófa og svarar fyrirspurnum varðandi prófamiðstöðvar og fleira.

Þjónustuborð Háskólans á Bifröst er opið alla virka daga frá kl. 8 – 16 þar sem þjónustustjóri er ávallt tilbúin að aðstoða nemendur.

Aðrir áhugaverðir tenglar:

Lífið á Bifröst

Háskólaþorpið

Húsnæðisþjónusta

Helstu dagsetningar

Dagskrá skólaársins

Háskólinn á Bifröst á samfélagsmiðlum