Markaðsnámskeið

Námskeið á sviði markaðsfræða veita innsýn í grunnaðferðir fræðanna og veita þátttakendum þau tól og tæki sem nauðsynleg eru til markaðssetningar í síbreytilegu og tæknivæddu umhverfi nútíma viðskipta og rekstrar.

Markaðsfræði:

Inngangsnámskeið að markaðsfræði þar sem lögð er áhersla á að kynna nemendur fyrir lykilatriðum markaðsfræðinnar m.a. samkeppnisgreiningu, neytendahegðun, markaðsrannsóknum og stjórnun vörumerkja. Einnig munu nemendur læra um gerð markaðsáætlana.

Markaðsfræði ferðaþjónustu og afþreyingar:

Markmið þessa námskeiðs er að tengja sjónarhorn og sérstöðu ferðaþjónustu og afþreyingargreina við nýjustu áherslur í markaðsfræði. Námskeiðið byggir að grunni til á markaðsfræði þjónustu með megináherslu á vaxandi ferðaþjónustu og afþreyingariðnað. 

Stafræn markaðssetning:

Kennd eru grunnhugtök tengd markaðssetningu á Internetinu og farið vandlega í gegnum helstu leiðir og nýjungar sem eru boði á þessum vettvangi s.s. markaðssetning á leitarvélum (SEO),rafræn fréttabréf, markaðssetning á samfélagsvefjum og PPC herferðir á Google og Facebook.