Undurfagrir tónar í Grábrókargíg

Í tilefni af aldarafmæli Háskólans á Bifröst buðu aðstandendur skólans upp á glæsilega örtónleika með Karlakórnum söngbræðrum í Grábrókargíg. Tónleikarnir fóru fram í blíðskapar veðri þann 5. júlí síðastliðinn og var mjög góð mæting. Á þessu fallega sumarkvöldi hlýddu lopapeysuklæddir gestir á létta og skemmtilega dagskrá og skapaðist alveg einstök stemning. Tónleikarnir stóðu yfir í 30 mínútur og að þeim loknum var gestum boðið að þiggja veitingar á Hótel Bifröst.

Myndir frá tónleikunum má nálgast hér.

Tónleikarnir eru liður í dagskrá sem samanstendur af röð viðburða sem sérstaklega var sett saman í tilefni 100 ár afmælis háskólans. Næsti viðburður er listaverkarallý sem fram fer á Bifröst 18 ágúst næstkomandi. Um er að ræða sýningu á öllum helstu listaverkum háskólans. Allir hjartanlega velkomnir.

Nánari upplýsingar um dagskrá afmælisárs Háskólans á Bifröst má finna hér.  

Til baka