Njörður Sigurjónsson, forseti félagsvísindadeildar Háskólans á Bifröst, ávarpar málþingið. Hjá honum stendur Andrea Guðmundsdóttir, fagstjóri Miðlunar og almannatengsla og fundarstjóri málþingsins.

Þróun og fagvæðing almannatengsla

Fróðlegir fyrirlestrar og umræður um þróun og fagvæðingu almannatengsla voru í forgrunni á áhugaverðu málþingi sem Háskólinn á Bifröst gekkst fyrir þann 21. maí sl. á Degi miðlunar og almannatengsla.

Öflugir aðilar úr atvinnulífinu deildu reynslu sinni um tengsl miðlunar og almannatengsla við skyldar atvinnugreinar á borð við markaðssetingu, auglýsingagerð og fréttamennsku á málþingi sem Háskólinn á Bifröst hélt í tilefni dagsins.

Málþingið fór fram á Hotel Hilton Reykjavík Nordica sl. laugardag. Erindi fluttu Anna Fríða Gísladóttir, markaðsstjóri og Nadine Guðrún Yaghi, samskiptastjóri Play Airlines, Guðmundur Heiðar Helgason, upplýsingafulltrúi Strætó og Ingvar Örn Ingvarsson, framkvæmdastjóri Cohn & Wolfe.

Fyrirlestrar voru jafnframt sendir út í beinu streymi og má nálgast upptöku á þeim á FB-síðu Háskólans á Bifröst.

Þá sýndu nemendur í miðlun og almannatengslum jafnframt áhugaverð verkefni úr náminu og gafst gestum tækifæri á að efla tengslanetið við nemendur, kennara og aðila úr atvinnulífinu.

Fundarstjóri málþingsins var Andrea Guðmundsdóttir, fagstjóri Miðlunar og almannatengsla við Háskólann á Bifröst.

Til baka