Þrettán útskrifuðust úr Mætti kvenna

Þann 12. apríl síðastliðinn útskrifuðust 13 konur úr Mætti kvenna. Um er að ræða 11 vikna nám fyrir konur sem vilja öðlast þekkingu og færni í rekstri fyrirtækja. Námið hefur átt miklum vinsældum að fagna og hafa tæplega 950 konur útskrifast úr því frá árinu 2004.

Útskriftin fór fram við hátíðlega athöfn á Bifröst og ávarpaði Vilhjálmur Egilsson útskriftarhópinn og aðra viðstadda. Starfsfólk og velunnarar Háskólans á Bifröst eru stolt að því að vera í fararbroddi í valdeflingu kvenna og stuðla að kynbundnu jafnrétti í hvívetna.

Kennsla í Mætti kvenna fer fram í fjarnámi en þar að auki eru kennslustundir á vinnulotum þar sem lögð verður áhersla á hópavinnu nemenda. Vinnuhelgi er í upphafi og um miðbik námsins en náminu lýkur með formlegri útskrift. Næsta námskeið hefst 7. september næsta haust og má nálgast allar helstu upplýsingar um námið hér.

Til baka