Rasismi er umfangsmikið vandamál á Íslandi

„Ég í alvörunni vissi ekki að rasismi væri svona mikill og alvarlegur á Íslandi, fyrr en ég fór að sjá þessi skilaboð sjálf eða komment sem eru skrifuð um mig,“ segir Lenya Rún Taha Karim, varaþingmaður í nýjasta þætti Hriflunnar.

Hafa ummæli þessarar ungu varaþingkonu Pírata vakið verðskuldaða athygli, en þau féllu í umræðum sem spunnust um kynþáttahyggju og kynþáttafordóma hér á landi í 2. þætti Hriflunnar sem er fór í almenna dreifingu í gær.

Auk Lenyu Rúnar ræddi dr. Magnús Skjöld, dósent við félagsvísindadeild og ristjóri Hriflunnar, við dr. Njörð Sigurjónsson, prófessor og forseta félagsvísindadeildar Háskólans á Bifröst og Andra Snæ Magnason, en megin viðfangsefni þáttarins var hvernig við nálgumst erfið mál og átakamál sem setja mark á umræðuna hverju sinni.

Hriflan er nýtt hlaðvarp gefið út af félagsvísindadeild Háskólansá Bifröst, helgað gagnrýninni umræðu um viðburði líðandi stundar. Fræðilegan bakgrunn sækir hlaðvarpið til HHS, sérhæfðrar námslínu  í heimspeki, hagfræði og stjórnmálafræði.

Sjá kynningarstiklu

Sjá nýjasta Hriflu hlaðvarpið

Til baka