Öflugur Bifrestingur í brúnni hjá Raforkueftirlitinu

Hanna Björg Konráðsdóttir, lögfræðingur frá Háskólanum á Bifröst og farsæll stundakennari við skólann, hefur verið skipuð í embætti skrifstofustjóra Raforkueftirlitsins. Umhverfis-, orku- og loftslagsráðherra greindi frá skipuninni nýverið.

Hanna Björg býr yfir yfirgripsmikilli þekkingu á íslenskum orkumálum og stjórnsýslu, sem hún hefur miðlað til nemenda undanfarin ár sem stundakennari í orkumálarétti.

Hanna hefur víðtæka þekkingu og starfsreynslu á sviði raforkumála og raforkueftirlits. Áður var hún sviðsstjóri raforkueftirlits hjá Umhverfis- og Orkustofnun.

Háskólinn á Bifröst óskar Hönnu Björg innilega til hamingju með nýja hlutverkið.

Til baka