Mikill fjöldi umsókna

Mikil aðsókn hefur einkennt umsóknartímabilið við Háskólann á Bifröst. Á það ekki hvað síst við um síðustu dagana áður en fresturinn rann út, en þá bárust hátt á sjötta hundrað umsóknir. 

Enn er þó tekið við umsóknum á biðlista í margar af námslínum háskólanum. Á það aðallega við um námslínur í grunnnámi, s.s. viðskiptafræði, viðskiptalögfræði, opinbera stjórnsýslu og miðlun og almannatengsl. Umsækjendum verður tilkynnt hvort umsókn þeirra hafi verið samþykkt eftir 20. júní nk.

Á því er þó sú undantekning að umsóknum á biðlista vegna meistaranáms í forystu og stjórnun með áherslu á mannauðsstjórnun eða áherslu á verkefnastjórnum verður svarað eftir 5. júlí 2024

Sú mikla aukning sem átt hefur sér stað í aðsókn við HB hefur jafnframt í för með sér að sumar námslínur eru þegar fullskipaðar og verður því ekki tekið við fleiri umsóknum vegna þeirra.

Þær námslínur sem eru lokaðar fyrir umsóknum eru eftirtaldar:

• Grunnnám í öryggisfræðum og almannavörnum
• Grunndiplóma og grunnnám í skapandi greinum
• Viðbótardiplóma og meistaranám í áfallastjórnun
• Meistaranám í menningarstjórnun

Þau sem vilja kynna sér þær námslínur sem eru enn opnar fyrir umsóknir eru hvött til að kynna sér málið í samskiptagátt HB undir Ný umsókn-námsleiðir. Þá veita verkefnastjórar á kennslusviði nánari upplýsingar ef óskað er.

Til baka