Hlutverk rannsóknafulltrúa er m.a. að veita fræðafólki og rannsóknaverkefnum háskólans stuðning og faglega aðstoð s.s. við þróun og utanumhald umsókna um rannsóknastyrki. Viðkomandi þarf að búa yfir góðri skipulagshæfni, yfirsýn og áhuga á rannsóknastarfi í nútímalegu og sveigjanlegu umhverfi. Starfið felur í sér náið samstarf við akademískt starfsfólk, stjórnsýslu og innlenda og erlenda samstarfsaðila og veitir kjörið tækifæri til að taka virkan þátt í uppbyggingu og framþróun rannsókna innan háskólans.