Krossgötur - taktu stjórn á lífinu

Þetta óhefðbundna námskeið er sniðið fyrir þá sem standa á krossgötum í lífinu. Leiðbeinendur í námskeiðinu hafa m.a. hamingjufræði og skapandi hugsun til grundvallar og deila hagnýtum aðferðum með það að markmiði að valdefla þátttakendur til að vera við stjórnvölinn í eigin lífi í stað þess að berast með straumnum.

Auk þess læra þátttakendur að nýta sér yoga, hugleiðslu og núvitund með markvissum hætti.

Námskeiðið er kennt í fjarnámi og kennslukerfi skólans er nýtt í kennslunni. Námskeiðið stendur yfir í sex vikur. Þátttakendur tileinka sér efni námskeiðsins á eigin hraða. Í sex vikur koma inn 4-5 innlegg á viku. Mælt er með því að hlusta á eitt innlegg á dag þá daga sem þau birtast.

Markmið námsins er að: 

• kynnast hagnýtum aðferðum til að takast á við breytingar í lífi og starfi, m.a. hugleiðslu, yoga, skapandi hugsun og stefnumótandi aðgerðum
• öðlast þekkingu á þeim rannsóknum sem búa að baki sjálfseflandi aðgerðum
• skilja mikilvægi tengsla líkama, huga og andlegrar vellíðunar
• öðlast skilning á fjármálahegðun og setja sér fjárhagsleg markmið til framtíðar

Umsjónarkennarar námskeiðsins eru dr. Magnús Skjöld og Edda Jónsdóttir. Þátttakendur geta tekið námskeiðið til 6 ECTS eininga, og þá vinna þeir lokaverkefni. Þeir sem ætla að taka námskeiðið til eininga þurfa að uppfylla aðgangsviðmið fyrir grunnnám Háskólans á Bifröst, sem er stúdentspróf eða aðfaranám fyrir háskóla. Allir geta tekið námskeiðið án eininga.

Umsóknarfrestur er til 16. desember 2022

Sjá vefkynningu á námskeiðinu

Skráning og nánari upplýsingar

Til baka