Frábært námskeið í upplýsingatækni fyrir skólastarf

Myndbandsgerð, Teams, Google-lausnir, sjálfvirkur raddinnsláttur og Word og Excell á dýptina eru aðeins brot af þeirri áhugaverðu upplýsingatækni sem tekin verður fyrir á námskeiðinu. 

Námskeiðið, sem er undirbúið í samstarfi við Kennarafélag Reykjavíkur, hefst um miðjan oktober og stendur í átta vikur. Er það einkum ætlað kennurum í grunnskólum og framhaldsskólum, en gagnast þó ekkert síður leikskólakennurum, háskólakennurum og nemendum. 

Námskeiðið hefst á kynningarfundi sem fer fram í Reykjavík. Kennt verður í fjarnámi með einum til tveimur fyrirlestrum á viku, 15 til 30 mínútur að lengd ásamt sérstökum 40 mínútna tíma þar sem kostur gefst á aðstoð vegna verkefna á námskeiðinu. Þá verða opnir viðtalstímar með kennara á tveggja vikna fresti í Reykjavík.

Um miðbik námskeiðsins er svo tveggja daga vinnuhelgi á Bifröst, sem hefst á hressandi kvöldgöngu. Því lýkur síðan með útskrift þar sem nemendur og kennarar rýna sér til gagns. 

Kvöldganga og samvera utan kennslu er skipulögð í samvinnu við Kennarafélag Reykjavíkur. 

Tveimur vikum áður en námskeiðið hefst verður boðið upp á stutt undirbúningsnámskeið sem Kennarafélag Reykjavíkur styrkir. Það verður að hluta til kennt í staðarnámi og nær yfir þrjár kvöldstundir.  

Skráning er á skráningarvef skólans.

Nánari upplýsingar veitir Anna Jóna Kristjánsdóttir á simenntun@bifrost.is og í síma 787 3757.

Jón Freyr Jóhannsson, lektor við Háskólann á Bifröst, heldur utan um námskeiðið.

Til baka