Starfsnám

Nemendur geta sótt um starfsnám í stað valnámskeiðs. Starfsnámið er í öllum tilvikum ólaunað en nemendur fá 6 ECTS einingar fyrir fulla vinnu í fjórar vikur (160 klukkustundir). Starfsnámið er valkostur sem nemendur í öllum námslínum í grunnnámi geta sótt um. Meistaranemar í ML námi, alþjóðaviðskiptum, alþjóðlegri stjórnmálahagfræði, forystu og stjórnun og menningarstjórnun geta einnig sótt um starfsnám í stað 6 eininga valnámskeiðs.

Hægt er að sækja um starfsnám til umsjónarmanns starfsnámsins og eru umsóknarfrestir fyrir hverja önn eftirfarandi:

Sumarönn: 15. febrúar

Haustönn: 30. maí

Vorönn: 15. október

Umsókn þarf að fylgja ferilskrá ásamt upplýsingum um hvenær er óskað eftir að komast að í starfsnám og hver eru helstu áhugasvið umsækjenda. Ferilskráin þarf að vera nægjanlega vönduð til að hægt sé að framsenda áfram á þau fyrirtæki sem eru í samstarfi við skólann um starfsnám.

Skilyrði þess að komast í starfsnám er að nemandi hafi lokið 110 ECTS í grunnnámi og 30 ECTS í meistaranámi og hafi fyrstu einkunn. Ákvörðun um hvort nemandi fái námsvist byggist á námsárangri, hversu langt nemandi er kominn í námi svo og þörfum og óskum samstarfsaðila skólans.

Skólinn getur ekki tryggt fyrirfram að pláss finnist fyrir alla nemendur sem sækja um starfsnám hverju sinni, þar sem við treystum á samstarf fyrirtækja í þessum efnum. Leitast er við að vinna úr umsóknum nægjanlega hratt til að nemendur geti gert aðrar ráðstafanir varðandi skráningar í námskeið, ef ekki tekst að finna pláss fyrir alla umsækjendur.

Jóhanna Marín Óskarsdóttir hefur umsjón með starfsnáminu og hafa má samband við hana gegnum netfangið starfsnam@bifrost.is 

Nánari upplýsingar er að finna í viðmiðum um starfsnám í grunnnámi og meistaranámi.

Starfsnám í grunnnámi

Starfsnám í meistaranámi