Mat á fyrra námi

Skráðir nemendur í nám við Háskólann á Bifröst geta sótt um mat á fyrra námi hafi þeir stundað sambærilegt háskólanám. Umsóknir eru sendar inn gegnum þjónustugátt hér til hliðar.

Eftirfarandi gögn skulu fylgja umsókn:

• Útfyllt umsóknareyðublað

• Staðfest prófskírteini/námsferilsyfirlit frá viðkomandi háskóla.

• Staðfestar námskeiðslýsingar frá viðkomandi háskóla úr kennsluskrá þess árs sem námskeið voru tekin.

Almennar reglur um mat á fyrra námi:

• Nemendur sem hafa lokið námskeiðum á sama háskólastigi og eru sambærileg þeim sem kennd eru við Háskólann á Bifröst eiga völ á að óska eftir mati á þeim námskeiðum.

• Námskeið er ekki metið ef einkunn er undir 6,0.

• Ef meira en 5 ár eru liðin frá fyrra námi þarf undanþágu deildarforseta.

• Í grunnnámi er heimilt að meta allt að 90 ECTS einingar úr fyrra námi.

• Í grunndiplómu er heimilt að meta allt að 12 ECTS einingar úr fyrra námi.

• Í framhaldsnámi er heimilt að meta allt að 30 ECTS úr fyrra námi.

• Í diplómu á framhaldsstigi er heimilt að meta allt að 12 ECTS einingar úr fyrra námi.

Umsóknarfrestur rennur úr:

• 30. september á haustönn

• 30. janúar á vorönn

Meðferð umsókna getur tekið allt að fjórar vikur; hvert tilvik er metið fyrir sig.

Úr 23. gr. reglugerðar skólans

„...Í grunnnámi er heimilt að meta allt að 90 ECTS-einingar sem nemandi hefur lokið í öðrum háskólum eða námsleiðum auk skiptináms. Í framhaldsnámi er heimilt að meta til eininga allt að 30 einingum úr öðrum háskólum eða námsleiðum, auk skiptináms, sem hluta af meistaranámi við skólann. Almenn krafa við mat á námsgreinum í grunn- og framhaldsnám er einkunnin 6 eða hærra.“