Masterklass - framsækni og örugg tjáning

Masterklass/vinnustofa fyrir þá nemendur sem vilja öfluga þjálfun í að koma fram af öryggi, ögra sér og taka þátt í ræðuhöldum, fundarstjórn, glærukynningum, tækifærisræðum og fleiri verkefnum. Námskeiðið fer fram frá lok mai og út júní.

Námsmat byggir alfarið á virkni og þátttöku í tímum. Nemendur munu flytja ræður, taka þátt í málfundum, einhverjir verða með útileiðsögn í náttúrunni, aðrir flytja tækifærisræður í hádegis-og kvöldverði, allir flytja glærukynningar í tíma, einhverjir sjá um fundarstjórn, eða dómnefndarstörf. Nemendur geta skilað myndbandsupptökum ef einhver sér ekki fært að mæta í einhver skipti.

Markmiðið er að nemendur geti notið þess að standa fyrir máli sínu, samið og flutt ræður, stýrt fundum, stýrt dagskrá í útivist, hátíðarkvöldverði og við fleiri tækifæri. Að nemendur geti tjáð sig af öryggi í launaviðtölum, á vinnumarkaði og í félagsstarfi. Komi með kjarna málsins á hnitmiðaðan hátt, geti beitt virkri hlustun og haft jákvæð áhrif í hópastarfi og almennt í lýðræðissamfélagi.

https://www.youtube.com/watch?v=RQdnXpftfzU

Sjá nánar kennsluskrá

Fyrir hverja og þátttökugjald

Námskeiðið hentar til dæmis kennurum, stjórnendum, leiðsögumönnum, fólki í félagsstörfum eða stjórnmálum, fólki sem kemur fram í fjölmiðlum og öðrum sem vilja fá þjálfun í að koma fram af öryggi.

Þátttökugjald er kr. 89.900

Ath. veitingar eru ekki innifaldar í þátttökugjaldi. 

Námskeiðið veitir ekki einingar. 

Fyrirkomulag

Námskeiðið er kennt í blöndu af staðnámi og fjarnámi. Námskeiðið stendur yfir í sex vikur og kennsla hefst 26. maí og stendur til 3. júlí.

Kennari

Kennari námskeiðsins er Sirrý Arnardóttir. Sirrý á að baki 30 ára farsælan feril í fjölmiðlum. Hún stýrði útvarps- og sjónvarpsþáttum um árabil, ritstýrði tímariti, starfaði sem blaðamaður og við almannatengsl. Er með próf í félags- og fjölmiðlafræði frá Háskóla Íslands og sótti framhaldsnám á vegum Utanríkisráðuneytisins hjá bandarískri fjölmiðlasamsteypu víðs vegar um USA. Hefur skrifað 8 bækur m.a. ,,Örugg tjáning – betri samskipti”. Sirrý hefur rekið sig sem fyrirtæki í fjölda ára, verið framkvæmdastjóri góðgerðasamtaka, haldið fyrirlestra og námskeið víða um land og á Spáni og kennt við Háskólann á Bifröst síðan 2008. Nánar á www.sirry.is

Styrkir

Mörg stéttarfélög bjóða upp á styrki vegna námskeiða. Kannaðu málið hjá þínu stéttarfélagi.

Umsóknarfrestur

Umsóknarfrestur er til 13. maí 

Allar nánari upplýsingar eru veittar á netfanginu endurmenntun@bifrost.is.

 

Skráning

---

Skrá mig

Smelltu á hnappinn til að sæka um námskeið í Endurmenntun Háskólans á Bifröst.

Svona skráir þú þig á námskeið:

1. Fylla þarf út umsóknareyðublað í umsóknargáttinni.
2. Ef þú skráir þig í námskeið með aðgangsviðmið, þarftu að bíða eftir að samþykki berist með tölvupósti.
3. Til að ljúka við skráningu þarf að ganga frá greiðslu í umsóknargátt og sækja um notendanafn fyrir innra kennslukerfi Háskólans á Bifröst, Uglu https://ugla.bifrost.is. Þar birtast allar upplýsingar um námskeiðið.

Nánari upplýsingar eru veittar á endurmenntun@bifrost.is eða í síma 433 3000.