Árið 1988 varð skólinn sérskóli á háskólastigi
Haustið 1988 hófst kennsla í frumgreinadeild skólans, sem bauð upp á undirbúning fyrir háskólanám.
Í ársbyrjun 1990 varð skólinn að sjálfseignarstofnun undir nafninu Samvinnuháskólinn en þá þótti orðið sýnt að skólinn gæti ekki lengur átt samleið með Sambandi íslenskra samvinnufélaga eins og áður hafði verið.
Vorið 1990 voru fyrstu rekstarfræðingarnir brautskráðir eftir tveggja vetra nám á háskólastigi.
Vorið 1995 brautskráðist fyrsti hópurinn með BS gráðu í rekstrarfræðum.
Vorið 1999 brautskráðust fyrstu nemendurnir úr fjarnámi með BS gráðu í rekstrarfræðum.
Árið 2000 var nafni skólans breytt í Viðskiptaháskólinn á Bifröst.
Vorið 2001 brautskráðust fyrstu nemendurnir með BS gráðu í viðskiptafræði.
Haustið 2001 var boðið upp á nýtt nám á landsvísu; viðskiptalögfræði.
Nóvember 2002 var vígt nýtt og glæsilegt skólahúss.
Sumarið 2003 hófst kennsla á meistarastigi.
Vorið 2004 útskrifuðust fyrstu nemendurnir með BS gráðu í viðskiptalögfræði.
Vorið 2005 útskrifaði skólinn nemendur með meistaragráðu í fyrsta sinn.
Haustið 2005 tók til starfa ný deild, félagsvísinda- og hagfræðideild. Þá var jafnframt tekið upp þriggja anna kerfi í skólanum sem gerir nemendum kleift að ljúka grunnnámi á tveimur árum kjósi þeir svo.
Á árunum 2003 - 2005 tóku til starfa Rannsóknamiðstöð Viðskiptaháskólans á Bifröst, rannsóknasetur í húsnæðismálum, rannsóknasetur verslunarinnar, rannsóknasetur í vinnuréttar- og jafnréttismálum og Evrópufræðasetur.
Sumarið 2006 var fyrsta sumarönnin í þriggja anna kerfi kennd á Bifröst.
Árið 2006 var nafni skólans breytt í Háskólinn á Bifröst.
Á árinu 2008 voru stofnuð rannsóknasetur í menningarfræðum og rannsóknasetur í stjórnun og alþjóðamálum við Háskólann á Bifröst.
Árið 2009 voru námsgráður í grunnnámi sex og í meistaranámi sextán.
Símenntun skólans bauð haustið 2012 upp á fimm sjálfstæðar námsbrautir.
Skólaárið 2012-2013 bauð skólinn upp á þrjár staðnámslínur og fjórar fjarnámslínur í grunnnámi, auk þriggja námsbrauta í meistaranámi.
Haustið 2013 hefst nám í háskólagátt við skólann, nýju aðfararnámi að háskólanámi, sem byggir á grunni frumgreinanáms sem skólinn hefur boðið upp á frá 1988.
