Velkomin til starfa

Soffía Dagmar Þorleifsdóttir hefur verið ráðin verkefnastjóri háskólagáttar og grunnnáms félagsvísindadeildar og lagadeildar Háskólans á Bifröst. Áður hefur Soffía aðallega sinnt stjórnunarstöðum í ferðaþjónustu hér á Vesturlandi, nú síðast sem aðstoðarhótelstjóri á Hótel Varmalandi.

Soffía þekkir vel til Háskólans á Bifröst, en hér lauk hún árið 2016 BS námi í viðskiptafræði með áherslu á ferðaþjónustu og MLM meistaragráðu í Forystu og stjórnun ári síðar. 

Þess má svo geta að Soffía fór tvisvar til Finnlands í skiptinám á meðan hún var í grunnnáminu á Bifröst, en þangað sótti hún námskeið á vegum eNordBalt og Sustainable Tourism. Einnig sótti hún starfsnám til Möltu, en þar vann hún á 4 og 5 stjörnu hóteli í hálft ár. Þá fór hún í skiptinám til Rúmeníu á meðan hún var í meistaranáminu. Þar lagði hún stund á mannauðsstjórnun við Alexandru Ioan Cuza University of Iasi.

Til baka