Velkomin til starfa

Unnur Símonardóttir hefur verið ráðin náms- og starfsráðgjafi. Um nýtt stöðugildi er að ræða og verða því tveir náms- og starfsráðgjafar starfandi við Háskólann á Bifröst, en fyrir var starfandi Helga Rós Einarsdóttir.

Unnur er með BA próf í uppeldis- og menntunarfræði og MA próf í náms- og starfsráðgjöf frá Háskóla Íslands. Hún hefur umfangsmikla reynslu á starfssviði sínu, en hún var náms- og starfsráðgjafi í Fjölbrautaskólanum í Garðabæ til 13 ára. Á undanförnum sex árum tengdist hún á hinn bóginn öðrum starfsvettvangi sem rekstrarstjóri fimleikadeildar Stjörnunnar.

Unnur er fædd og uppalin í Garðabæ og er búsett þar ásamt fjölskyldunni sinni og hundi. Fjölskyldan elskar að ferðast, helst til framandi landa, en þess á milli finnst Unni ótrúlega skemmtilegt að fylgja börnum hennar og eiginmannsins eftir í íþróttum og öðrum tómstundum. 

Við bjóðum Unni hjartanlega velkomna til starfa við Háskólann á Bifröst.

Til baka