Stjórnendur fyrirtækja í ferðaþjónustu útskrifast 10. desember 2014

Stjórnendur fyrirtækja í ferðaþjónustu útskrifast

Vilhjálmur Egilsson rektor Háskólans á Bifröst útskrifaði 15 nemendur frá símenntun Háskólans á Bifröst úr náminu stjórnun og samvinna í ferðaþjónustu. Langflestir af þeim eru stjórnendur eða eigendur fyrirtækja í ferðaþjónustu. Stjórnun og samvinna í ferðaþjónustu er nám á sviði símenntunar Háskólans á Bifröst ætlað stjórnendum og öðru fólki starfandi í ferðaþjónustu.

Nemendur létu allir mjög vel af náminu og var það mat þeirra að námið myndi nýtast þeim sérstaklega vel í sínu starfi og mæla hiklaust með því. „Námið nýttist mér mjög vel í mínu starfi, og nýtist mjög vel öllum fyrirtækjum í ferðaþjónustu. Mjög stefnumiðað og gott nám“ sagði Árni Björn Ómarsson annar eigenda Hótel Hlíðar í Ölfusi um námið.

Kennarar námsins voru þeir Einar Svansson lektor og Brynjar Þór Þorsteinsson aðjúnkt.

Nánar má lesa um námið hér

Sjá fleiri myndir á Facebook síðu skólans



Árni Björn Ómarsson