Nýlega voru á ferð á Bifröst tveir góðir gestir frá Skotlandi, þær Ellen Mary Kingham og Lorna Castle. Þær starfa báðar á kennslusviði Moray College sem staðsettur er í Elgin, en skólinn er hluti af University of the Highlands and Islands. 

 

Þær Ellen Mary og Lorna fengu styrk til fararinnar úr kennarasjóði Erasmus áætlunarinnar og dvöldu á Bifröst í viku. Þann tíma nýttu þær til að funda með starfsfólki á kennaraskrifstofu auk þess að skoða háskólaþorpið og njóta fallegrar náttúrunnar í Norðurárdalnum. 

 

Með ferðinni vonuðust þær einna helst til þess að kynna sér þá verkferla sem íslensku kollegarnir nýta sér í daglegu starfi og að auka kunnáttu sína í fjarnámskennsluaðferðum enda Háskólinn á Bifröst leiðandi á því sviði hérlendis. Þá sögðu þær ætíð gott að hitta kollega til að bera saman bækur sínar og eins að kynnast daglegu lífi í háskólaþorpi eins og Bifröst. 

 

Háskólinn á Bifröst þakkar hinum skosku gestum kærlega fyrir komuna.